جۇما, 29 ناۋرىز 2024
بيلىك 5346 26 پىكىر 17 شىلدە, 2019 ساعات 10:53

مەملەكەت باسشىسىنىڭ ۆيرتۋالدى قابىلداۋى اشىلدى

قر پرەزيدەنتى قاسىم-جومارت توقاەۆ اقوردانىڭ رەسمي سايتىندا ۆيرتۋالدى قابىلداۋى اشىلعانىن مالىمدەدى.

بۇل تۋرالى مەملەكەت باسشىسى Instagram جەلىسىندەگى جەكە پاراقشاسىندا جازدى.

«قۇرمەتتى وقىرماندارىم! مەنىڭ پاراقشاما مىڭداعان وقىرمان پىكىرلەرىن جازىپ، ساۋالدارىن جولداپ جاتادى. ولاردىڭ ىشىندە جۇيەلى تۇردە جۇمىس ىستەۋدى قاجەت ەتەتىن كۇردەلى ماسەلەلەر دە بار. اركىم ءوز سۇراعىنا جاۋاپ الىپ، پىكىرىنىڭ ەسكەرىلگەنىن قالايدى. الايدا، بارلىق وتىنىشتەرگە وسى پاراقشا ارقىلى جاۋاپ بەرۋ مۇمكىن ەمەس ەكەنىن وزدەرىڭىز دە جاقسى تۇسىنەسىزدەر.

قوعاممەن پىكىر الماسۋدى جولعا قويۋ، ءاربىر ازاماتتىڭ سۇراۋىن قاناعاتتاندىرۋ، مۇقتاج جاندارعا دەر كەزىندە كومەك كورسەتۋ ماقساتىندا www.akorda.kz سايتىندا مەنىڭ ۆيرتۋالدى قابىلداۋىم اشىلدى. قازىردىڭ وزىندە ۆيرتۋالدى قابىلداۋعا كوپتەگەن حاتتار كەلىپ تۇسۋدە. رەسپۋبليكا ازاماتتارىنىڭ جەكە نەمەسە قوعامدىق سيپاتتاعى ءتۇرلى ماسەلەلەرى بويىنشا وتىنىشتەرى قارالادى. ءار حات رەسمي تىركەلەدى، ونى ءوزىم دە قارايمىن جانە اكىمشىلىك قىزمەتكەرلەرى دە قاراستىرادى. بۇل - ەلىمىزدىڭ ءاربىر ازاماتى رەسمي تۇردە سۇراۋ سالۋعا مۇمكىندىك بەرەتىن، زاڭدى كۇشى بار ۆيرتۋالدى قابىلداۋ»، - دەپ جازدى پرەزيدەنت.

مەملەكەت باسشىسىنىڭ بۇل قادامىن ەلدى تىڭداۋدىڭ، ەل سوزىنە قۇلاق اسۋدىڭ ناعىز زاماناۋي ۇلگىسى دەپ قابىلداۋعا بولادى. قاراپايىم حالىق ءۇشىن ەل پرەزيدەنتىنە تىكەلەي ءوتىنىش ايتۋ مۇمكىندىگى تۋسا، بۇدان وتكەن جاقسىلىق بولا ما؟! بۇل ۆيرتۋالدى قابىلداۋ - ەلىمىزدىڭ ءاربىر ازاماتىنا پرەزيدەنتكە رەسمي سۇراۋ سالۋعا مۇمكىندىك بەرەدى.

Abai.kz

26 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616