Beysenbi, 22 Tamız 2019
519 0 pikir 18 Şilde, 2019 sağat 14:35

AQŞ-tağı tanımal baspa Abaydıñ kitabın basıp şığaradı

AQŞ-tağı tanımal baspadan Abay Qwnanbaywlınıñ kitabı basılıp şığatın boldı. Bwl turalı bügin jazuşı Rollan Seysenbaev ayttı.  

«Aldağı jılı Abay babamızdıñ 175 jıldığı atap ötilmek. Bwl ülken toy, yağni ol bizdiñ mädenietimizdiñ, qazaq tiliniñ toyı. Abay kitaptarı büginde köptegen şet tilderge audarıldı. Kelesi jılı älem klassikteriñ qatarında AQŞ-ta Wlı aqınıñ kitabın jarıqqa şığaramız», - dedi jazuşı.

Bügin Elordada Abay Qwnanbaywlınıñ 175 jıldıq mereytoyın ötkizu jönindegi memlekettik komissiyanıñ alğaşqı otırısı ötken edi. Osı jiınğa qatısqan jazuşı Rollan Seysenbaev Amerikadağı tanımal baspa Abaydıñ kitabın basıp şığaratının ayttı.

Onıñ aytuınşa, baspa ağılşın tiline audarılğan kitaptıñ şığuın özi qarjılandıradı.

«Älem Abaydı oqıp keledi. Wlı oyşıldı bükil älemge tanıstıru üşin tiisti jwmıstardı jürgizu kerek, yağni Abay mektebin barşa älemge şığarğan mañızdı. 1995 jılı Londonda «Abay üyin» aşqan edim. Osınday ülken ideyalarğa Ükimet bastamaşılıq etui kerek. Bükil älemde Abay mektebi jwmıs istegen jağdayda, qazaqtardı barşa älem biletin boladı», - dedi Seysenbaev.

Esteriñizge sala keteyik, Bügin Elordada Abay Qwnanbaywlınıñ 175 jıldıq mereytoyın ötkizu jönindegi memlekettik komissiyanıñ alğaşqı otırısı ötken edi. Onda aqınıñ mereytoyın ötkizudiñ josparı men is-şaralardıñ josparı talqılandı. Jiın barısında keler jılı Halıqaralıq, respublikalıq jäne öñirlik deñgeylerdegi wzın-ırğası 500-ge juıq şara ötkiziletini belgili boldı.

Abai.kz

0 pikir