Düysenbi, 9 Jeltoqsan 2019
Bilik 2000 5 pikir 26 Şilde, 2019 sağat 13:33

Qızılorda oblısı äkiminiñ eki orınbasarı tağayındaldı

Qızılorda oblısı äkiminiñ eki birdey jaña orınbasarı tağayındaldı. Bwl turalı Qazaqparat habarladı.

Qazaqstan Respublikası Prezidenti Äkimşiliginiñ kelisimi boyınşa oblıs äkiminiñ ökimimen Jahanov Bahıt Düysenwlı men Delmwhanov Marat Nwrsayınwlı oblıs äkiminiñ orınbasarı qızmetterine tağayındaldı.

B. Jahanov 1974 jılı tuğan. I. Jaqaev atındağı Qızılorda politehnikalıq institutın «ekonomist-menedjer» mamandığı boyınşa bitirgen. Eñbek jolın 1996 jılı Qızılorda oblısınıñ auıl şaruaşılığı departamentiniñ jetekşi mamanı bolıp bastağan. Är jıldarı Qızılorda oblısınıñ ekonomika, tabiği resurstar jäne tabiğat paydalanudı retteu, sonday-aq bilim basqarmalarında jauaptı qızmetter atqarğan. 2008-2011 jıldarı Qızılorda oblısınıñ auıl şaruaşılığı, tabiği resurstar jäne tabiğat paydalanudı retteu basqarmaların basqarğan. 2011-2015 jıldarı Qızılorda oblısı äkiminiñ orınbasarı, Qazalı audanınıñ äkimi boldı. 2015 jıldıñ mausım ayınan bastap osı kezge deyin Qızılorda oblısınıñ auıl şaruaşılığı basqarmasınıñ basşısı qızmetin atqarıp keldi.

M. Delmwhanov 1979 jılı düniege kelgen. M. Ötemisov atındağı Batıs Qazaqstan memlekettik universitetin «buhgalter-ekonomist» jäne «zañger» mamandıqtarı boyınşa bitirgen. Eñbek jolın 2001 jılı Batıs Qazaqstan oblısınıñ ekonomika basqarmasınıñ bas mamanı retinde bastağan. 2002-2010 jıldarı Batıs Qazaqstan oblısı äkimi apparatı taldau-eksperttik böliminiñ bas mamanı, wyımdastıru-baqılau böliminiñ bas inspektorı, bölim meñgeruşisi, Batıs Qazaqstan oblısı äkimi apparatı basşısınıñ orınbasarı, «Tehnopark «Algoritm» jauapkerşiligi şekteuli seriktestiginiñ direktorı, 2010-2013 jıldarı Mañğıstau oblısı äkimi apparatında qızmet atqarıp, odan keyin Mañğıstau oblısı äkimi apparatı basşısınıñ orınbasarı boldı.

Al 2013-2017 jıldarı Qızılorda oblısı äkimi apparatı basşısınıñ orınbasarı, Qızılorda oblısınıñ jwmıspen qamtudı üylestiru jäne äleumettik bağdarlamalar basqarmasınıñ basşısı qızmetin atqarğan. 2017 jıldıñ mausım ayınan bastap osı kezge deyin Kızılorda oblısı äkimi apparatınıñ basşısı lauazımında eñbek etti.

Abai.kz

5 pikir