قىزىلوردا وبلىسى اكىمىنىڭ ەكى ورىنباسارى تاعايىندالدى
قىزىلوردا وبلىسى اكىمىنىڭ ەكى بىردەي جاڭا ورىنباسارى تاعايىندالدى. بۇل تۋرالى قازاقپارات حابارلادى.
قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا وبلىس اكىمىنىڭ وكىمىمەن جاحانوۆ باحىت دۇيسەنۇلى مەن دەلمۇحانوۆ مارات نۇرسايىنۇلى وبلىس اكىمىنىڭ ورىنباسارى قىزمەتتەرىنە تاعايىندالدى.
ب. جاحانوۆ 1974 جىلى تۋعان. ى. جاقاەۆ اتىنداعى قىزىلوردا پوليتەحنيكالىق ينستيتۋتىن «ەكونوميست-مەنەدجەر» ماماندىعى بويىنشا بىتىرگەن. ەڭبەك جولىن 1996 جىلى قىزىلوردا وبلىسىنىڭ اۋىل شارۋاشىلىعى دەپارتامەنتىنىڭ جەتەكشى مامانى بولىپ باستاعان. ءار جىلدارى قىزىلوردا وبلىسىنىڭ ەكونوميكا، تابيعي رەسۋرستار جانە تابيعات پايدالانۋدى رەتتەۋ، سونداي-اق ءبىلىم باسقارمالارىندا جاۋاپتى قىزمەتتەر اتقارعان. 2008-2011 جىلدارى قىزىلوردا وبلىسىنىڭ اۋىل شارۋاشىلىعى، تابيعي رەسۋرستار جانە تابيعات پايدالانۋدى رەتتەۋ باسقارمالارىن باسقارعان. 2011-2015 جىلدارى قىزىلوردا وبلىسى اكىمىنىڭ ورىنباسارى، قازالى اۋدانىنىڭ اكىمى بولدى. 2015 جىلدىڭ ماۋسىم ايىنان باستاپ وسى كەزگە دەيىن قىزىلوردا وبلىسىنىڭ اۋىل شارۋاشىلىعى باسقارماسىنىڭ باسشىسى قىزمەتىن اتقارىپ كەلدى.
م. دەلمۇحانوۆ 1979 جىلى دۇنيەگە كەلگەن. م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىن «بۋحگالتەر-ەكونوميست» جانە «زاڭگەر» ماماندىقتارى بويىنشا بىتىرگەن. ەڭبەك جولىن 2001 جىلى باتىس قازاقستان وبلىسىنىڭ ەكونوميكا باسقارماسىنىڭ باس مامانى رەتىندە باستاعان. 2002-2010 جىلدارى باتىس قازاقستان وبلىسى اكىمى اپپاراتى تالداۋ-ەكسپەرتتىك ءبولىمىنىڭ باس مامانى، ۇيىمداستىرۋ-باقىلاۋ ءبولىمىنىڭ باس ينسپەكتورى، ءبولىم مەڭگەرۋشىسى، باتىس قازاقستان وبلىسى اكىمى اپپاراتى باسشىسىنىڭ ورىنباسارى، «تەحنوپارك «الگوريتم» جاۋاپكەرشىلىگى شەكتەۋلى سەرىكتەستىگىنىڭ ديرەكتورى، 2010-2013 جىلدارى ماڭعىستاۋ وبلىسى اكىمى اپپاراتىندا قىزمەت اتقارىپ، ودان كەيىن ماڭعىستاۋ وبلىسى اكىمى اپپاراتى باسشىسىنىڭ ورىنباسارى بولدى.
ال 2013-2017 جىلدارى قىزىلوردا وبلىسى اكىمى اپپاراتى باسشىسىنىڭ ورىنباسارى، قىزىلوردا وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى قىزمەتىن اتقارعان. 2017 جىلدىڭ ماۋسىم ايىنان باستاپ وسى كەزگە دەيىن كىزىلوردا وبلىسى اكىمى اپپاراتىنىڭ باسشىسى لاۋازىمىندا ەڭبەك ەتتى.
Abai.kz
