Qyzylorda oblysynda Bolat Ótemúratovtyng qayyrymdylyq qory arqyly kópbalaly otbasylargha arnap salynghan 150 ýiding 100-i jaqynda tabystalghan edi. Endi mine, taghy 50 ýy paydalanugha berildi,- dep habarlaydy Abay-aqparat.

«Balameken» jobasy ayasynda qolgha alynghan әleumettik baghdarlamada baspanalar «Bәiterek» yqsham audanynan tabystaldy. Býginge deyin deyin qúrylysy bastalghan ýiler túrmysy tómen kópbalaly otbasylar ýshin salynghan. Atalghan ýilerde medisinalyq punkt, arnayy ortalyq júmys isteydi.

– Erekshe quanyp túrmyn. Baspanaly boludyng baqyty búiyrdy. Biz tek kommunaldyq tólem tóleymiz. Ózim ýy kezeginde 1000-y bolyp tirkeude túrmyn. Eki balam balabaqshagha barady. Balalarym ýshin quanyshtymyn»,-dedi Dinara Imasheva esimdi jalghyzbasty 5 balanyng anasy.

Esterinizge sala keteyik, mesenat Bolat Ótemúratovtyng bastamasymen iske asqan «Balameken» jobasy respublikada alghash bolyp Qyzylordada jýzege asty. Búl uaqytsha beriletin túrghyn ýiler kópbalaly otbasylardyng túraqty baspanaly boluyna jol ashady.

Taghy bir aita ketetin jayt, 150 ýiding 50-i jergilikti budjet esebinen túrghyzylghan.

Abai.kz