Senbi, 21 Qırküyek 2019
1248 4 pikir 9 Tamız, 2019 sağat 10:22

«Aq jol» partiyası Prezidenttiñ Wlttıq qor aktivteriniñ bir böligin altınğa auıstıru turalı şeşimin qoldaydı

«Aq jol» partiyası Prezidenttiñ Wlttıq qor aktivteriniñ bir böligin altınğa auıstıru turalı şeşimin qoldaydı – bwl turalı partiya törağası Azat Peruaşev mälimdedi.

Aldıñğı künderi Qasım-Jomart Toqaevtıñ tiisti jarlıqqa qol qoyğanı barşañızğa mälim – endi Wlttıq qordıñ jinaqtauşı aktivterindegi altınnıñ ülesi 5%-ğa deyin jetedi.

«Bwl Wlttıq qordıñ äleuetin saqtap, qorğau üşin qajet» - dep Prezident jarlığınıñ sebebin tüsindirgen edi.

Esteriñizge salsaq, ötken jıldıñ 27 mausımında «Aq jol» frakciyasınıñ jetekşisi birqatar elderdiñ sauda-sattıq teketiresi jağdayına jäne älemdik valyuta men bağalı qağaz arasalmağınıñ twraqsızdığınıñ ösuine baylanıstı ükimet pen Wlttıq bank törağasına Wlttıq banktiñ altın-valyutalıq rezervinde jäne Wlttıq qorda altın qorın köbeytu wsınısı boyınşa deputattıq saual joldağan bolatın.

«Altın-valyutalıq rezervi – wlttıq qarjı jüyesi men wlttıq valyutanıñ twraqtılığın qamtamasız etetin mañızdı faktor. Sondıqtan olardıñ äleueti men ötimdiligin qorğau, äsirese bügingi geosayasi jäne makroekonomikalıq qauip jağdayında,  memleket ekonomikasınıñ bastı qwndılığı bop qala beredi», – dep esepteydi «Aq jolda».

Osığan baylanıstı «Aq jol» partiyası Memleket basşısınıñ altın-valyutalıq rezervti saqtau jäne Qazaqstan Respublikasınıñ wlttıq jinağıdağı altın qorınıñ ülesin köbeytu turalı şeşimin qoldaytının jetkizedi.

Abai.kz

4 pikir