سەيسەنبى, 15 قازان 2019
1331 4 پىكىر 9 تامىز, 2019 ساعات 10:22

«اق جول» پارتياسى پرەزيدەنتتىڭ ۇلتتىق قور اكتيۆتەرىنىڭ ءبىر بولىگىن التىنعا اۋىستىرۋ تۋرالى شەشىمىن قولدايدى

«اق جول» پارتياسى پرەزيدەنتتىڭ ۇلتتىق قور اكتيۆتەرىنىڭ ءبىر بولىگىن التىنعا اۋىستىرۋ تۋرالى شەشىمىن قولدايدى – بۇل تۋرالى پارتيا توراعاسى ازات پەرۋاشەۆ مالىمدەدى.

الدىڭعى كۇندەرى قاسىم-جومارت توقاەۆتىڭ ءتيىستى جارلىققا قول قويعانى بارشاڭىزعا ءمالىم – ەندى ۇلتتىق قوردىڭ جيناقتاۋشى اكتيۆتەرىندەگى التىننىڭ ۇلەسى 5%-عا دەيىن جەتەدى.

«بۇل ۇلتتىق قوردىڭ الەۋەتىن ساقتاپ، قورعاۋ ءۇشىن قاجەت» - دەپ پرەزيدەنت جارلىعىنىڭ سەبەبىن تۇسىندىرگەن ەدى.

ەستەرىڭىزگە سالساق، وتكەن جىلدىڭ 27 ماۋسىمىندا «اق جول» فراكتسياسىنىڭ جەتەكشىسى بىرقاتار ەلدەردىڭ ساۋدا-ساتتىق تەكەتىرەسى جاعدايىنا جانە الەمدىك ۆاليۋتا مەن باعالى قاعاز اراسالماعىنىڭ تۇراقسىزدىعىنىڭ وسۋىنە بايلانىستى ۇكىمەت پەن ۇلتتىق بانك توراعاسىنا ۇلتتىق بانكتىڭ التىن-ۆاليۋتالىق رەزەرۆىندە جانە ۇلتتىق قوردا التىن قورىن كوبەيتۋ ۇسىنىسى بويىنشا دەپۋتاتتىق ساۋال جولداعان بولاتىن.

«التىن-ۆاليۋتالىق رەزەرۆى – ۇلتتىق قارجى جۇيەسى مەن ۇلتتىق ۆاليۋتانىڭ تۇراقتىلىعىن قامتاماسىز ەتەتىن ماڭىزدى فاكتور. سوندىقتان ولاردىڭ الەۋەتى مەن وتىمدىلىگىن قورعاۋ، اسىرەسە بۇگىنگى گەوساياسي جانە ماكروەكونوميكالىق قاۋىپ جاعدايىندا،  مەملەكەت ەكونوميكاسىنىڭ باستى قۇندىلىعى بوپ قالا بەرەدى»، – دەپ ەسەپتەيدى «اق جولدا».

وسىعان بايلانىستى «اق جول» پارتياسى مەملەكەت باسشىسىنىڭ التىن-ۆاليۋتالىق رەزەرۆتى ساقتاۋ جانە قازاقستان رەسپۋبليكاسىنىڭ ۇلتتىق جيناعىداعى التىن قورىنىڭ ۇلەسىن كوبەيتۋ تۋرالى شەشىمىن قولدايتىنىن جەتكىزەدى.

Abai.kz

4 پىكىر