Senbi, 24 Tamız 2019
46 - söz 1098 4 pikir 14 Tamız, 2019 sağat 11:07

Kölsay ädemi keypinen ayırılıp qala ma dep qorqamın...

Kölsayğa alğaş ret 2004 jılı – oqudı endi bitirip, telearnağa jwmısqa ornalasqan jılı bardım. «NTK»- da öñşeñ jastar jwmıs istedi.

Sodan bir küni bärimiz jinalıp, Şarın men Kölsayğa baratın boldıq. Joldan Şarınğa soqtıq. Şarındı sol kezde alğaş ret kördim. Amerikanıñ kovboylar turalı fil'mderindegi kan'ondarğa wqsaydı eken. Arı qaray Kölsayğa tartıp, oğan keş bata jettik te, sol küni köldiñ jağasında qondıq. Erteñinde tañ atısımen äuestigim wstap erte twrıp aldım da, köldiñ şetin jağalay jürip otırıp, bir aynalıp şıqtım. Şırşa, qarağay, qayıñ köp eken. Äli eşkimniñ ayağı baspağan mülgip twrğan tağı tabiğattıñ arasına kirip ketkendey boldım. Kölsaydıñ adamdı tartıp twratını da osı qasieti.

Qazir sonıñ jağasında qwrılıs jürip jatır eken. Kafe, kottedj salmaqşı ğoy deymin. Meniñşe, Kölsayğa tiispey, onı sol küyi, tağı, twmsa tabiğat küyinde qaldıra salu kerek. Jol salıp jatqanı dwrıs. Qwrılıs jwmıstarın jürgizip, ol jerge örkeniettiñ jetistigin alıp kelgennen Kölsay körkeyip ketpeydi. Aqşa, aqşa dep jürgende erteñ köldiñ mañı qoqıstan ayaq alıp jüre almaytın jerge aynalıp, Almatınıñ şetindegi eldiñ bäri barıp suğa tüsetin plyaj sekildi bolıp şığa keledi.

Kölsayğa baru kerek te, tabiğatına tamsanıp, qıdırıp, ol jerdi lastamay, qayta qaytıp ketu kerek. Tünep şığatın qonaq üy men kafe-restorandardı sala bastasa, Kölsay bolaşaqta tınıştıqtan mülgip ketkendey bolıp twratın osı bir ädemi keypinen, adamdı tartıp twratın tağılığınan ayırılıp qala ma dep qorqamın...

Jolımbet Mäkiştiñ facebook paraqşasınan
Abai.kz
4 pikir