Senbi, 24 Tamız 2019
El işi... 577 1 pikir 14 Tamız, 2019 sağat 13:56

Elimizde 100-den astam mektep üş auısımda oquğa mäjbür

Biılğı oqu jılında 405 mıñ bala mektep tabaldırığın attaydı. Bwl 2018 jılmen salıstırğanda 20 mıñ balağa köp. Alayda, mwnıñ demografiyalıq deñgeyge eş qatısı joq. Sebebi, biıl birinşi sınıpqa 6 jastan bastap qabıldanadı. Eresekterdiñ qarsılığına qaramastan bwl norma  bäribir engizildi. Alayda, ata-analardıñ alañdauına eş negiz joq deydi ministrlik.

-Zañ norması bar. Men memlekettik qızmetker retinde, ministr retinde, bwl norma orındaluı kerek dep sanaymın. Sondıqtan 6 jastan bastap balalar mektepke baradı, biraq bwl ata-ananıñ qwqığı. Biz bwl turalı bwrın da ayttıq. Altı jasqa kelmegen balanı oquğa mäjürbleu bizde joq,- dedi QR Bilim ministri Ashat Aymağambetov.

Alayda şeneunikter bwl tığırıqtan üş auısımdı oqu jüyesi arqılı şığatın sekildi. Äzirge bwl mäselede Şımkent qalasımen qatar Almatı, Atırau oblıstarı köş bastap twr. Al, jalpı Qazaqstanda üş auısımda oqitın 120 mektep bar. Alayda bwl mäseleni asığıs şeşu oñ nätije bermeydi. Mäselen, Nwr-Swltanda bwl mäseleni şeşu aldağı bes jılğa josparlanıp otırğan körinedi.

-Qazir elorda mektepterinde 17 mıñ orın jetispeydi. Al, 1 qırküyekte üş auısımdı segiz mektep boladı dep kütip otırmız. Sondıqtan elordanı damıtudıñ keşendi josparına säykes, aldağı bes jılda biz 37 mektep saluımız kerek», - dedi elorda äkimi Altay Kölginov.

Nwrbike Bekswltanqızı

Abai.kz

1 pikir