"Keybireui menimen kelisedi, qalghandary qarsy shyqty", - dedi Tramp. Ol Fransiyanyng Biarris qalasynda ótken "Ýlken jetilik" sammiytindegi kelissózder turaly pikirin jurnalistermen bólisti. Tramp sammitke Reseydi shaqyru - "paydaly" qadam dep biledi. Búghan deyin ol bolashaqta búl forumgha Resey preziydenti Vladimir Putindi shaqyruy mýmkin ekenin mәlimdegen.

Tramptyng aituynsha, Fransiyada ótken sammitte Reseyge qatysty eshqanday sheshim qabyldanbaghan. "Biz búl mәseleni dauysqa salmadyq", - dedi ol.

Búghan deyin Fransiya preziydenti Emmanueli Makron Reseyding klubqa qayta oraluynyng kilti "Ukrainada" ekenin mәlimdegen. Germaniya da Reseyding búl forumgha qatysuyna qarsy shyqqan, óitkeni Ukrainanyng shyghysynda soghys ayaqtalghan joq, al Qyrym anneksiyalanghan kýii qaldy. Kanada men Úlybritaniya ókilderi osy mazmúndas pikir aitqan. Italiya men Japoniya jetekshileri búl mәselege qatysty ústanymdaryn jariyalamady.

Úlybritaniya, Germaniya, Italiya, Kanada, AQSh, Fransiya jәne Japoniya jetekshilerining eki kýndik kezdesui senbide bastaldy. Sammitte Iran tóniregindegi jaghday da talqylandy. "Jetilik" elderi Irannyng yadrolyq baghdarlamasyna jol joq ekendigi turaly ústanymyn Tegerangha jetkizudi Fransiya preziydenti Makrongha tapsyrdy. Jeksenbi kýni keshke Iran SIM basshysy Djavad Zarif kýtpegen jerden Biarris qalasyna úshyp shyqqan. Reuters agenttigi Tramptan búnyng sebebin súraghan, biraq ol jurnalist saualyna jauap beruden bas tartqan.

Abai.kz