جۇما, 29 ناۋرىز 2024
3348 0 پىكىر 26 تامىز, 2019 ساعات 10:47

ترامپ: G7 جەتەكشىلەرىنىڭ كەيبىرى رەسەيدىڭ سامميتكە قاتىسۋىن قالامايدى

اقش پرەزيدەنتى دونالد ترامپ الەمنىڭ جەتى دەرجاۆاسى جەتەكشىلەرىنىڭ "ۇلكەن جەتىلىك" سامميتىنە رەسەيدى شاقىرۋعا قاتىستى ۇستانىمى ءارتۇرلى ەكەنىن راستادى. سامميت كەلەسى جىلى نيۋ-يورك قالاسىندا وتەدى.

"كەيبىرەۋى مەنىمەن كەلىسەدى، قالعاندارى قارسى شىقتى", - دەدى ترامپ. ول فرانتسيانىڭ بيارريتس قالاسىندا وتكەن "ۇلكەن جەتىلىك" سامميتىندەگى كەلىسسوزدەر تۋرالى پىكىرىن جۋرناليستەرمەن ءبولىستى. ترامپ سامميتكە رەسەيدى شاقىرۋ - "پايدالى" قادام دەپ بىلەدى. بۇعان دەيىن ول بولاشاقتا بۇل فورۋمعا رەسەي پرەزيدەنتى ۆلاديمير ءپۋتيندى شاقىرۋى مۇمكىن ەكەنىن مالىمدەگەن.

ترامپتىڭ ايتۋىنشا، فرانتسيادا وتكەن سامميتتە رەسەيگە قاتىستى ەشقانداي شەشىم قابىلدانباعان. ء"بىز بۇل ماسەلەنى داۋىسقا سالمادىق", - دەدى ول.

بۇعان دەيىن فرانتسيا پرەزيدەنتى ەممانۋەل ماكرون رەسەيدىڭ كلۋبقا قايتا ورالۋىنىڭ كىلتى "ۋكراينادا" ەكەنىن مالىمدەگەن. گەرمانيا دا رەسەيدىڭ بۇل فورۋمعا قاتىسۋىنا قارسى شىققان، ويتكەنى ۋكراينانىڭ شىعىسىندا سوعىس اياقتالعان جوق، ال قىرىم اننەكسيالانعان كۇيى قالدى. كانادا مەن ۇلىبريتانيا وكىلدەرى وسى مازمۇنداس پىكىر ايتقان. يتاليا مەن جاپونيا جەتەكشىلەرى بۇل ماسەلەگە قاتىستى ۇستانىمدارىن جاريالامادى.

ۇلىبريتانيا، گەرمانيا، يتاليا، كانادا، اقش، فرانتسيا جانە جاپونيا جەتەكشىلەرىنىڭ ەكى كۇندىك كەزدەسۋى سەنبىدە باستالدى. سامميتتە يران توڭىرەگىندەگى جاعداي دا تالقىلاندى. "جەتىلىك" ەلدەرى يراننىڭ يادرولىق باعدارلاماسىنا جول جوق ەكەندىگى تۋرالى ۇستانىمىن تەگەرانعا جەتكىزۋدى فرانتسيا پرەزيدەنتى ماكرونعا تاپسىردى. جەكسەنبى كۇنى كەشكە يران ءسىم باسشىسى دجاۆاد زاريف كۇتپەگەن جەردەن بيارريتس قالاسىنا ۇشىپ شىققان. Reuters اگەنتتىگى ترامپتان بۇنىڭ سەبەبىن سۇراعان، بىراق ول جۋرناليست ساۋالىنا جاۋاپ بەرۋدەن باس تارتقان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553