Düysenbi, 16 Jeltoqsan 2019
Aymaq 747 0 pikir 8 Tamız, 2019 sağat 19:00

Qazalıda auqımdı jwmıstar atqarıluda

Qazalı audanındağı bastı jañalıqtıñ biri Qazalı qalası men Äyteke bi kentiniñ arasın qosu jwmıstarı qarqındı jürude, - dep habarlaydı Abay-aqparat.

Biıl eki aralıqtağı jwmıstardı jalğastıruğa 2,5 mlrd teñge köleminde qarjı qaralğan. Jıl soñına taman sol mañnan 1500 adamğa twrğın üy salu üşin jer uçaskesin berilmek.

– Birneşe äleumettik nısandar salu da bas josparğa engizilgen. Atap aytqanda, balabaqşa men birneşe mekemeniñ äkimşilik ğimarattarın (emhana, KNB, prokuratura, leshoz) salu üşin jerleri belgilenip, jobaları äzirlenude. Eki aralıqtı qosıp, 50 mıñ halıq twratın – ülken qalağa aynaldıru bastı jobası jasalğan. Sonday-aq, 2 qabattı 12 twrğın üy qwrılısın salu üşin qwjattarın äzirlep, qarjılandıruğa respublikalıq byudjetke wsınıldı, - deydi Qazalı audanı äkiminiñ baspasöz hatşısı Jeñisbek Sotvetwlı.

Bwdan bölek, audan köleminde Äyteke bi kentinen 600 orındıq mädeniet üyi men Aqsuat auılında 90 orındıq balabaqşanıñ qwrılısı qarqındı jürip jatır.

Ayta keteyik, 2019 jılğa audanda 11 nısannıñ qwrılısın jürgizuge respublikalıq byudjetten 2524,2 mln teñge, oblıstıq byudjetten 1133,3 mln teñge, audandıq byudjetten 41,1 mln teñge, barlığı 3698,6 mln teñge qarjı bölinip, tiisti qwrılıs-montaj jwmıstarı jürgizilip jatır

Abai.kz

0 pikir