Düysenbi, 9 Jeltoqsan 2019
46 - söz 1497 5 pikir 9 Qırküyek, 2019 sağat 14:59

Jüye men qoğam arasındağı "senim" qaqırap ketti

Birde äkesi balasın wzaq saparğa attandırıp twrıp: "Pälenbay deytin jerde mınau şeksiz ğalamnıñ sırın biletin danışpan qariya twradı. Sol danışpannan baqıttıñ qwpiyasın bilip kel",- deydi. Qırıq kün jürip älgi jigit taudıñ qiır şıñında ornalasqan ğalamat zäulim sarayğa keledi. Onıñ iesi äkesi aytqan dana qariya bolıp şığadı. Äkesiniñ amanatın orındau üşin jigit danagöydiñ aldına barıp: «baqıttıñ kilti qayda?» degen saualın qoyadı. Qariya bolsa jigittiñ qolına eki şay qasıqqa may tamşılatıp berip: "sen aldımen mına zäulim saraydı tamaşalap kel, tek qolıñdağı eki qasıq maydı tögip alma" deydi. Eki sağattan soñ älgi jigit qariyanıñ aldına keledi. "Ne kördiñ?" deydi qariya. "Barlıq zeyinim qolımdağı eki qasıqta boldı, eşteñe köre almadım, ata" deydi. "Onda qayta aralap şıq, mwnda qızıq köp" dep qayta jiberedi. Jigit saraydıñ tañğajayıp körinisin äbden qızıqtap danışpannıñ aldına oralıp, körgen tañğajayıptarın auzınan suı qwrıp bayandap beredi. "Qolıñdağı eki tamşı mayıñ qayda?" deydi qariya jigitti mwqiyat tıñdap bolıp. Jigit qasığınıñ bos ekenin endi bayqap, basın qasıp qaladı. Sonda danışpan:" Bwl ömirdi şalqıp qızıqta, bil, qalauıñşa ömir sür, tek qolıñdağı eki tamşınıñ tögilip qalmauın qadağala. Baqıttıñ bar sırı osı" degen eken. Ol ne tamşı? Paulo Koel'o onıñ jauabın körermenniñ özine qaldırıptı.

Meniñşe, qos tamşı - näpsi men ar. Näpsiñdi tiıp, arlı bolsañ, imanıñ tasıp, baqıtıñ bayandı bolmaq. Bügingi jüye sol danışpan aytqan eki ayaulı tamşısın tögip aldı. Näpsisin tıymay baylıq jidı, ädildik qwrmay, ardan bezdi. Jüye men qoğam arasındağı "senim" attı alıp qamaldıñ qabırğası qaqırap ketkeni de sol. Qaqırap ketken qamaldı qayta twrğızbaqqa Wlttıq senim keñesin qwrdı. Ol keñeske biliktiñ astırtın qolşoqparları men qoğamnıñ seniminen ada key "twlğalar" jür eken... Olar qaytıp setinep ketken senimdi jalğaydı?

Paradoks. Jasaral, Dosım, Janbolat, Tolğanay, Ermwrattar qayda? Ermwrat demekşi, ol kisini "Aqiqattan" alastatıp ülgiripti.. Parlamenttik saylau qoyılımına dayındıq bastalıp ketken eken ğoy...

Dina Elgezektiñ facebook paraqşasınan

Abai.kz

5 pikir