Särsenbi, 16 Qazan 2019
1312 11 pikir 13 Qırküyek, 2019 sağat 10:26

Memleket basşısı Djek Mamen kezdesti

Qasım-Jomart Toqaev «Alibaba Group» kompaniyasınıñ negizin qalauşı Djek Mamen kezdesti.

Qıtaylıq biznesmenmen kezdesu kezinde älemdik ekonomikadağı zamanaui jäne mañızdı mäseleler, käsipkerlik pen elektrondı kommerciyanı damıtu jağdayı söz boldı.

Memleket basşısı Djek Manı Qıtay Halıq Respublikasınıñ 70 jıldıq merekesimen jäne «Alibaba Group» kompaniyasınıñ qwrılğanına 20 jıl toluımen qwttıqtap, eki el arasındağı strategiyalıq äriptestikte zamanaui tehnologiya salası mañızdı röl atqaratının ayttı.

– Men sizdiñ Qazaqstanğa qoldau körsetem degen nietiñizdi joğarı bağalaymın. Biz Qazaqstan men Qıtaydıñ arasındağı cifrlıq ekonomikanı damıtuğa qatıstı strategiyalıq kelisim jasadıq. Osı iske sizdiñ de atsalısqanıñızdı qalaymız,– dedi Qasım-Jomart Toqaev.

Öz kezeginde älemdegi eñ auqattı adamdardıñ biri Djek Ma Qazaqstanda birneşe ret bolğanın, bizdiñ eldiñ mädenieti men adamdarı erekşe äser qaldırğanın jetkizdi. Ol öziniñ täjiribesin qazaqstandıqtarmen bölisuge dayın ekenin mälimdedi.

«Alibaba Group» kompaniyası direktorlar keñesiniñ törağası Çjan YUn Memleket basşısına älemdik internet saudanıñ köşbasşısı sanalatın wjımnıñ tarihı men qızmeti jayında, qalıptasqan özindik dästüri turalı, bolaşaqtağı josparları men elektrondı kommerciyadağı jaña trendter haqında bayandadı.

Abai.kz

11 pikir