Seysenbi, 15 Qazan 2019
1091 13 pikir 16 Qırküyek, 2019 sağat 10:56

Prezident Toqaev rel'stegi jol apatınan qaza tapqan adamnıñ tuıstarına köñil ayttı

Qazaqstan Prezidenti Qasım-Jomart Toqaev Almatı oblısında poyızben bolğan tötenşe jağday saldarınan qaza tapqan adamnıñ tuıstarına köñil ayttı.

"Almatı obl. Aqseñgir-Şamalğan temirjol ötkelinde poezd avtobusqa soqtığıstı. Avtobusta 67 adam bolğan. Bir adam köz jwmdı, jaraqat alğandar bar. Tuğan-tuıstarına köñil aytamın. Tergeu jwmısı bastaldı", - dep jazdı Toqaev Twitter jelisindegi paraqşasında.

Resmi mälimetke qarağanda, 15 qırküyekte keşki sağat 19.00 şamasında Almatı oblısı Şamalğan stanciyasında poyız ben avtobus soqtığısıp, avtobus jürgizuşisi qaza tapqan, üş adam Qaskeleñ auruhanasına jetkizilgen. "Olardıñ jağdayı auır" deydi resmi orındar.

Bwl oqiğağa baylanıstı qılmıstıq is aşılğan.

"Temirjol, äue, teñiz nemese özen köligi jürisi nemese olardı paydalanu qauipsizdigi qağidaların bwzu" turalı 344 baptıñ jäne "kölik qwraldarın basqaratın adamdardıñ jol jürisi nemese kölik qwraldarın paydalanu qağidaların bwzu" turalı 345 baptıñ "abaysızda adam ölimine äkep soqqan" tarmaqtarı boyınşa qılmıstıq is qozğalğan. Policiya jol apatınıñ sebepterin tekserip jatqanın habarladı.

El prezidenti Qasım-Jomart Toqaevtıñ resmi twitter-akkauntında avtobusta 67 adam bolğanı jazılğan.

Abai.kz

13 pikir