Särsenbi, 16 Qazan 2019
46 - söz 1290 2 pikir 16 Qırküyek, 2019 sağat 11:15

"Memleket degen men!"

- dep aytıptı mıs, Fransia koroli Lyudovik 14.
Franciyanı 72 jıl (1643-1715) bilegen bwl monarh öz biligi kezinde Franciya halqın biriktirip, memlekettiñ äskeri quatın eselep arttırdı. Alıs-jaqınğa Franciyanıñ sayasi bedelin köterdi, Franciya mädenietin örkendetip, öz elin "intellektualdı ortalıq" retinde sırtqa tanıttı.
Onıñ el bilegen ğasırı - Franciyanıñ "altın ğasırı" retinde tarihqa endi.

... Şınında da, däl osınday Monarh, Avtoritet, el bilese, memleketti osınday jetistikke jetkizse - onda onıñ Halqı da monarhtıñ eldi 72 jıl emes, 100 jıl bilegenin qalar edi...

Lyudoviktiñ "Memleket degen men!" degen astamşıl sözi onıñ is äreketimen qabısıp jattı!
Ol mwnday "astam sözdi" mañayındağı jağımpazdarğa toytarıs retinde aytıptı desek te, ol bwl sözin Halqına arnap aytqanı anıq!!!

Sebebi, Lyudovik öziniñ "küşti memleket qwru jönindegi" ozıq oyların Franciya halqımen birlikte jüzege asıra aldı!
Sebebi, Lyudovik te, ol bilegen memlekettiñ Halqı da "Memleket" degendi "Dana bilik pen Äreketşil birtwtas halıq" dep wğıp, - Korol' men Halıqtıñ oyı bir arnada toğısa aldı!

Al, biraq, El bileuşi onday astam sözdi mañayındağı jağımpazdarğa ğana arnap aytqan bolsa, onda onıñ bwl söziniñ mağınası özgerip, tipten basqaşa bolıp şığar edi...
Onda bwl söz, şamamen:
"Meniñ jaqındarım jäne jağımpazdarım!
Ötirik-şın madaqtauşılarım!
Men büginnen bastap senderge Halıq pen memleketti aşıq tonauğa rwqsatımdı berdim!
Endi onıñ kepili Men!
Sondıqtan Sender mağan adal bolıñdar!
Bolmasa..."" - degen söz bolıp şığar edi...

Ökinişke oray, tarihta mwnday regressti (küyreuşi) jağdaylar az bolmağan...

Äbdiraşit Bäkirwlınıñ paraqşasınan

Abai.kz

2 pikir