"Arystaghy qaru-jaraq qoymasynda óte kýrdeli júmystary bastaldy. Osy júmystar barysynda әskery bólimsheden jarylatyn, jarylmaytyn qaru týrlerining fragmentteri tabylyp jatyr. Oq-dәriler Arystan 60 shaqyrym jerde ornalasqan poligonda joyylyp jatyr. Jergilikti túrghyndargha, Arys qalasyna qazir qauip joq" dedi Ermekbaev.

21 qyrkýiekte Arys qalasynan 60 shaqyrym jerde ornalasqan poligonda oq-dәrilerdi joi kezinde on saper jaralanghan. Olar әskery gospitaligha jetkizilgen.

Osydan ýsh aiday búryn Týrkistan oblysy Arys qalasyndaghy әskery qoyma jarylyp, tórt adam qaza tapqan. Resmy derek boyynsha, qoymadaghy oq-dәrining 70 payyzdan astamy jarylyp ketken. Qaladaghy túrghyn ýilerding basym bóligi býlingen.

Osy oqighadan song eldegi әskery qoymalardyng jaghdayy men qoyma manyndaghy túrghyndar qauipsizdigi mәselesi kóterile bastaghan.

Songhy on jylda Arys qalasynda әskery qaru saqtalatyn qoymalarda tórt ret jarylys bolyp, birneshe adam qazagha úshyraghan. Biyl mausymdaghy jarylystan keyin qorghanys ministrligi әskery oq-dәrining "eldimekenderden aulaq jerge" kóshiriletinin mәlimdegen.

Abai.kz