Jeksenbi, 17 Qaraşa 2019
Aymaq 1068 0 pikir 27 Qırküyek, 2019 sağat 15:11

Qızılordada eñbek küni merekesi atalıp ötti

Eñbek künine arnalğan eñbek sabaqtastığı forumınıñ saltanattı aşıluına Qızılorda oblısınıñ äkimi Quanışbek Isqaqov qatıstı. Ayta keteyik, QR Twñğış Prezidenti – Elbası N.Ä.Nazarbaevtıñ 2013 jılğı qaraşadağı jarlığımen bekitilgen «Eñbek küni» merekesi biıl altınşı ret atalıp ötilude.

«Öz käsibiniñ berekesin körip, atadan balağa miras etip otırğan köptegen eñbek äuletterin oblıs qana emes respublika köleminde tanıta bildik. Janın sala eñbek etip, öziniñ tabısın mañday terimen tauıp otırğan adamdı qalayşa qwrmettemeske?! Ol - qwrılısşı ne sılaqşı bola ma, ol jazuşı ne öner adamı bola ma, ol - basşı nemese wstaz bola ma, mañday terimen jwmıs istey bilui qajet. Memleket basşısı Qasım-Jomart Kemelwlı Toqaev är sözinde masıldıq piğılğa jol bermeu turalı aytıp keledi. Osı twrğıda, biz üşin mañday terin tögip, tärbielep-ösirgen ata-anamızdıñ eñbegin aqtap, wrpağımızdı eñbekke tärbieley bilsek – tuğan jerimizdiñ damuına qosqan bir ülesimiz bolmaq»,-dedi aymaq basşısı.

Berekeli birlik pen tınımsız tirliktiñ arqasında aymaqtan 102 Socialistik Eñbek Eri şıqqanı belgili. Olardıñ esimderi oblıs tarihında mäñgi qaladı.

«Aq küriştiñ atası» atanğan Ibıray Jaqaev, el baylığın eselegen Şırınkül Qazanbaeva, Sälima Jwmabekova, Wlbala Altaybaeva, Jadıra Taspambetova, Zäkira Erjanova sekildi aqjaulıqtı analar – öskeleñ wrpaqqa ülgi-önege.  Eñbek Erleriniñ bügingi jalğasınday Abzal Eraliev, YUriy Pya siyaqtı jerlesterimiz - Täuelsiz Qazaqstannıñ Eñbek Erleri.

«Irıs bar jerde – ıntımaq bar. Al, ıntımaq bar jerde – bereke, birlik bar. Sondıqtan, jastar, eñbek ete biliñizder. Bärimiz de jwmıstı qarapayım eñbekten bastadıq. Bos jürmey, adal eñbek etseñizder – bolaşağıñız jarqın, tuğan elimizdi nığaytuğa qosar ülesiñiz mol bolmaq»,-dedi Q.Isqaqov.

Eñbek adamdarın tanıtıp, därejesin köterudi, eñ üzdik otbasılıq jäne öndiristik dästürlerdi anıqtap, jastardı käsibi eñbekke bauluğa arnalğan forumda salalar boyınşa eñbek äuletteri marapattaldı.

Densaulıq saqtau salası boyınşa - Qızılorda qalasınan Bodıqovtar äuleti. Bwl äulettiñ jalpı eñbek ötili 670 jıldı qwraydı. Bügingi tañda medicina salasın är türli mamandıq boyınşa meñgergen äulettiñ 28 müşesi osı salada qızmet atqarıp keledi.

Bilim salası boyınşa - Aral audanınan Qonarovtar äuleti.  Wstazdar äuletiniñ jalpı eñbek ötili - 508 jıl. Ğibrattı ğwmırın bilim beruge arnağan atadan tarağan wrpaq büginde bilim salasınıñ şamın jağıp, ata käsibin ülken jauapkerşilikpen atqaruda. Äulet boyınşa 17 adam osı salada qızmet atqarıp, bala tärbiesine atsalısuda.

Mädeniet salası boyınşa - Qarmaqşı audanınan Smayılovtar äuleti. Önerli äulettiñ  jalpı eñbek ötili - 75 jıldı qwraydı. Äuletten 4 adam öñirimizdiñ mädenieti men önerin damıtuğa sübeli ülesin qosuda.

İşki ister salası boyınşa - sırdariyalıq Bekseytovter äuleti. Äulettiñ jalpı eñbek ötili 40 jıldı qwrap otır. El tınıştığın küzetip, temirdey tärtipke bas igen salanıñ qır-sırın meñgergen sarbazdar qatarında osı otbasınan qazirgi tañda 4 adam jemisti qızmet atqarıp keledi.

Temir jol salası boyınşa – qazalılıq Orınbaevtar äuleti. Temirjol salasında joğarı jauapkerşilikpen qızmet atqarğan äulettiñ jalpı eñbek ötili -145 jıl. Bwl äulettiñ 6 adamı - temirjolşı.

Öndiris salası boyınşa – şielilik Nwrımbetovter äuleti. Ğılım men tehnika salasınıñ daraboz maytalmandarı atanğan äulettiñ jalpı eñbek ötili- 96 jıl. Äulettiñ 8 adamı öndiristik sala boyınşa qızmet atqaruda.

Egin şaruaşılığı salası boyınşa - Jalağaş audanınan Düysenğazievter äuleti. Ata käsibin äuletiniñ berekesine aynaldırğan otbasınıñ jalpı eñbek ötili -147 jıl. Äulettiñ 5 adamı - dihanşı.

Mal şaruaşılığı boyınşa - Şieli audanınan Baydenovter äuleti. Mal şaruaşılığın damıtqan äulettiñ jalpı eñbek ötili 50 jıldı qwrap otır. Ata-käsipti wrpaqtan wrpaqqa jalğastıru jolında äulettiñ  3 adamı eñbek etude.

«Bıltır biz oblısımızdı altı jıldan astam uaqıt abıroymen basqarğan Qırımbek Eleuwlı Köşerbaevtıñ bastamasımen jappay käsipkerlikti damıtudıñ üşjıldığın jariyaladıq. Öz käsibimdi aşam, biznesimdi damıtam degen azamattarğa bar jağday jasaldı. Sonıñ nätijesinde, 2018 jılı aymağımız käsipkerlikti damıtuğa eñ qolaylı üzdik aymaq atalıp, «Altın sapa» sıylığın ielendi. Sır öñiri qanday jetistikke qol jetkizse de, qanday biikten körinse de, ol mına otırğan özderiñiz sekildi eñbeksüygiş azamattarımızdıñ eñbeginiñ jemisi deuge äbden boladı»,-dep atap ötti aymaq basşısı.

Sonımen qatar, oblıstıq käsipodaq wyımdarı arasında ötken «Eñbek jolı» bayqauınıñ «Üzdik maman» nominaciyasımen №6 Qızılorda qalalıq emhanasınıñ  därigeri Absatova Güljan Törehanqızı, «Eñbek jolı» bayqauınıñ «Üzdik tälimger» nominaciyasımen Aral qalalıq №14 mektep-liceyiniñ mwğalimi Qonarova Janna Qwspanğaliqızı marapattaldı.

İs-şara sırboyılıq önerpazdardıñ koncertimen jalğastı.

Abai.kz

0 pikir