جۇما, 29 ناۋرىز 2024
ايماق 5421 0 پىكىر 27 قىركۇيەك, 2019 ساعات 15:11

قىزىلوردادا ەڭبەك كۇنى مەرەكەسى اتالىپ ءوتتى

ەڭبەك كۇنىنە ارنالعان ەڭبەك ساباقتاستىعى فورۋمىنىڭ سالتاناتتى اشىلۋىنا قىزىلوردا وبلىسىنىڭ اكىمى قۋانىشبەك ىسقاقوۆ قاتىستى. ايتا كەتەيىك، قر تۇڭعىش پرەزيدەنتى – ەلباسى ن.ءا.نازارباەۆتىڭ 2013 جىلعى قاراشاداعى جارلىعىمەن بەكىتىلگەن «ەڭبەك كۇنى» مەرەكەسى بيىل التىنشى رەت اتالىپ وتىلۋدە.

«ءوز كاسىبىنىڭ بەرەكەسىن كورىپ، اتادان بالاعا ميراس ەتىپ وتىرعان كوپتەگەن ەڭبەك اۋلەتتەرىن وبلىس قانا ەمەس رەسپۋبليكا كولەمىندە تانىتا بىلدىك. جانىن سالا ەڭبەك ەتىپ، ءوزىنىڭ تابىسىن ماڭداي تەرىمەن تاۋىپ وتىرعان ادامدى قالايشا قۇرمەتتەمەسكە؟! ول - قۇرىلىسشى نە سىلاقشى بولا ما، ول جازۋشى نە ونەر ادامى بولا ما، ول - باسشى نەمەسە ۇستاز بولا ما، ماڭداي تەرىمەن جۇمىس ىستەي ءبىلۋى قاجەت. مەملەكەت باسشىسى قاسىم-جومارت كەمەلۇلى توقاەۆ ءار سوزىندە ماسىلدىق پيعىلعا جول بەرمەۋ تۋرالى ايتىپ كەلەدى. وسى تۇرعىدا، ءبىز ءۇشىن ماڭداي تەرىن توگىپ، تاربيەلەپ-وسىرگەن اتا-انامىزدىڭ ەڭبەگىن اقتاپ، ۇرپاعىمىزدى ەڭبەككە تاربيەلەي بىلسەك – تۋعان جەرىمىزدىڭ دامۋىنا قوسقان ءبىر ۇلەسىمىز بولماق»،-دەدى ايماق باسشىسى.

بەرەكەلى بىرلىك پەن تىنىمسىز تىرلىكتىڭ ارقاسىندا ايماقتان 102 سوتسياليستىك ەڭبەك ەرى شىققانى بەلگىلى. ولاردىڭ ەسىمدەرى وبلىس تاريحىندا ماڭگى قالادى.

«اق كۇرىشتىڭ اتاسى» اتانعان ىبىراي جاقاەۆ، ەل بايلىعىن ەسەلەگەن شىرىنكۇل قازانباەۆا، ءساليما جۇمابەكوۆا، ۇلبالا التايباەۆا، جادىرا تاسپامبەتوۆا، زاكيرا ەرجانوۆا سەكىلدى اقجاۋلىقتى انالار – وسكەلەڭ ۇرپاققا ۇلگى-ونەگە.  ەڭبەك ەرلەرىنىڭ بۇگىنگى جالعاسىنداي ابزال ەراليەۆ، يۋري پيا سياقتى جەرلەستەرىمىز - تاۋەلسىز قازاقستاننىڭ ەڭبەك ەرلەرى.

«ىرىس بار جەردە – ىنتىماق بار. ال، ىنتىماق بار جەردە – بەرەكە، بىرلىك بار. سوندىقتان، جاستار، ەڭبەك ەتە بىلىڭىزدەر. ءبارىمىز دە جۇمىستى قاراپايىم ەڭبەكتەن باستادىق. بوس جۇرمەي، ادال ەڭبەك ەتسەڭىزدەر – بولاشاعىڭىز جارقىن، تۋعان ەلىمىزدى نىعايتۋعا قوسار ۇلەسىڭىز مول بولماق»،-دەدى ق.ىسقاقوۆ.

ەڭبەك ادامدارىن تانىتىپ، دارەجەسىن كوتەرۋدى، ەڭ ۇزدىك وتباسىلىق جانە وندىرىستىك داستۇرلەردى انىقتاپ، جاستاردى كاسىبي ەڭبەككە باۋلۋعا ارنالعان فورۋمدا سالالار بويىنشا ەڭبەك اۋلەتتەرى ماراپاتتالدى.

دەنساۋلىق ساقتاۋ سالاسى بويىنشا - قىزىلوردا قالاسىنان بودىقوۆتار اۋلەتى. بۇل اۋلەتتىڭ جالپى ەڭبەك ءوتىلى 670 جىلدى قۇرايدى. بۇگىنگى تاڭدا مەديتسينا سالاسىن ءار ءتۇرلى ماماندىق بويىنشا مەڭگەرگەن اۋلەتتىڭ 28 مۇشەسى وسى سالادا قىزمەت اتقارىپ كەلەدى.

ءبىلىم سالاسى بويىنشا - ارال اۋدانىنان قوناروۆتار اۋلەتى.  ۇستازدار اۋلەتىنىڭ جالپى ەڭبەك ءوتىلى - 508 جىل. عيبراتتى عۇمىرىن ءبىلىم بەرۋگە ارناعان اتادان تاراعان ۇرپاق بۇگىندە ءبىلىم سالاسىنىڭ شامىن جاعىپ، اتا كاسىبىن ۇلكەن جاۋاپكەرشىلىكپەن اتقارۋدا. اۋلەت بويىنشا 17 ادام وسى سالادا قىزمەت اتقارىپ، بالا تاربيەسىنە اتسالىسۋدا.

مادەنيەت سالاسى بويىنشا - قارماقشى اۋدانىنان سمايىلوۆتار اۋلەتى. ونەرلى اۋلەتتىڭ  جالپى ەڭبەك ءوتىلى - 75 جىلدى قۇرايدى. اۋلەتتەن 4 ادام ءوڭىرىمىزدىڭ مادەنيەتى مەن ونەرىن دامىتۋعا سۇبەلى ۇلەسىن قوسۋدا.

ىشكى ىستەر سالاسى بويىنشا - سىرداريالىق بەكسەيتوۆتەر اۋلەتى. اۋلەتتىڭ جالپى ەڭبەك ءوتىلى 40 جىلدى قۇراپ وتىر. ەل تىنىشتىعىن كۇزەتىپ، تەمىردەي تارتىپكە باس يگەن سالانىڭ قىر-سىرىن مەڭگەرگەن ساربازدار قاتارىندا وسى وتباسىنان قازىرگى تاڭدا 4 ادام جەمىستى قىزمەت اتقارىپ كەلەدى.

تەمىر جول سالاسى بويىنشا – قازالىلىق ورىنباەۆتار اۋلەتى. تەمىرجول سالاسىندا جوعارى جاۋاپكەرشىلىكپەن قىزمەت اتقارعان اۋلەتتىڭ جالپى ەڭبەك ءوتىلى -145 جىل. بۇل اۋلەتتىڭ 6 ادامى - تەمىرجولشى.

ءوندىرىس سالاسى بويىنشا – شيەلىلىك نۇرىمبەتوۆتەر اۋلەتى. عىلىم مەن تەحنيكا سالاسىنىڭ دارابوز مايتالماندارى اتانعان اۋلەتتىڭ جالپى ەڭبەك ءوتىلى- 96 جىل. اۋلەتتىڭ 8 ادامى وندىرىستىك سالا بويىنشا قىزمەت اتقارۋدا.

ەگىن شارۋاشىلىعى سالاسى بويىنشا - جالاعاش اۋدانىنان دۇيسەنعازيەۆتەر اۋلەتى. اتا كاسىبىن اۋلەتىنىڭ بەرەكەسىنە اينالدىرعان وتباسىنىڭ جالپى ەڭبەك ءوتىلى -147 جىل. اۋلەتتىڭ 5 ادامى - ديحانشى.

مال شارۋاشىلىعى بويىنشا - شيەلى اۋدانىنان بايدەنوۆتەر اۋلەتى. مال شارۋاشىلىعىن دامىتقان اۋلەتتىڭ جالپى ەڭبەك ءوتىلى 50 جىلدى قۇراپ وتىر. اتا-كاسىپتى ۇرپاقتان ۇرپاققا جالعاستىرۋ جولىندا اۋلەتتىڭ  3 ادامى ەڭبەك ەتۋدە.

«بىلتىر ءبىز وبلىسىمىزدى التى جىلدان استام ۋاقىت ابىرويمەن باسقارعان قىرىمبەك ەلەۋۇلى كوشەرباەۆتىڭ باستاماسىمەن جاپپاي كاسىپكەرلىكتى دامىتۋدىڭ ۇشجىلدىعىن جاريالادىق. ءوز كاسىبىمدى اشام، بيزنەسىمدى دامىتام دەگەن ازاماتتارعا بار جاعداي جاسالدى. سونىڭ ناتيجەسىندە، 2018 جىلى ايماعىمىز كاسىپكەرلىكتى دامىتۋعا ەڭ قولايلى ۇزدىك ايماق اتالىپ، «التىن ساپا» سىيلىعىن يەلەندى. سىر ءوڭىرى قانداي جەتىستىككە قول جەتكىزسە دە، قانداي بيىكتەن كورىنسە دە، ول مىنا وتىرعان وزدەرىڭىز سەكىلدى ەڭبەكسۇيگىش ازاماتتارىمىزدىڭ ەڭبەگىنىڭ جەمىسى دەۋگە ابدەن بولادى»،-دەپ اتاپ ءوتتى ايماق باسشىسى.

سونىمەن قاتار، وبلىستىق كاسىپوداق ۇيىمدارى اراسىندا وتكەن «ەڭبەك جولى» بايقاۋىنىڭ «ۇزدىك مامان» نوميناتسياسىمەن №6 قىزىلوردا قالالىق ەمحاناسىنىڭ  دارىگەرى ابساتوۆا گۇلجان تورەحانقىزى، «ەڭبەك جولى» بايقاۋىنىڭ «ۇزدىك تالىمگەر» نوميناتسياسىمەن ارال قالالىق №14 مەكتەپ-ليتسەيىنىڭ مۇعالىمى قوناروۆا جاننا قۇسپانعاليقىزى ماراپاتتالدى.

ءىس-شارا سىربويىلىق ونەرپازداردىڭ كونتسەرتىمەن جالعاستى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564