Düysenbi, 18 Qaraşa 2019
Bilik 2195 1 pikir 16 Qazan, 2019 sağat 11:45

N.Nazarbaev: Türki keñesin halıqaralıq wyım deñgeyine köteru kerek

Elbası Nwrswltan Nazarbaev Bakude ötken türki tildes memleketterdiñ ıntımaqtastığı keñesiniñ 7-şi otırısına qatıstı. Ol sammitte Prezident Şavkat Mirzieevti jäne bükil özbek halqın Türki keñesine tolıqqandı müşe boluımen  qwttıqtadı. 

Keñestiñ qwramına Özbekstannıñ müşe boluı – bükil türki tildes qauımdastıq üşin tarihi äri köpten kütken oqiğa, – dedi Elbası.

Sonımen qatar, Nwrswltan Nazarbaev Budapeştte Türki keñesiniñ ökildigin aşu - ıntımaqtastıqtıñ Europa vektorın damıtuda erekşe mañızdı ekenin atap ötti.

Sonday-aq, Elbası Qırğız Respublikasınıñ Türki keñesine törağa qızmetindegi jwmısın joğarı bağaladı.

Mağan «Türki Keñesiniñ Qwrmetti Törağası» märtebesin beru turalı wsınısı üşin Prezident Rejep Erdoğanğa alğıs bildiremin. Osı bastamanı qoldağandarıñız üşin barşañızğa rizamın. Bwl joğarı märtebe mağan ortaq wyımımızdıñ jwmısına odan äri belsendi qatısuğa mümkindik beredi, – dedi Qazaqstannıñ Twñğış Prezidenti.

Öz sözinde Nwrswltan Nazarbaev Türki keñesiniñ qwrılu tarihına toqtaldı.

Mereytoylıq mejege biz jaqsı jetistiktermen jettik. Birinşiden, jahandıq twrğıda da, öz işimizde de wyımğa swranıs bar ekenin äri onıñ özektiligin däleldey aldıq. Ekinşiden, Keñestiñ qatarı Özbekstan men Majarstan esebinen tolıqtı. Bwl bizdiñ birlesken  jılnamamızdıñ jaña parağı. Üşinşiden, elderimiz salmaqtı institucionaldıq arhitektura qalıptastırdı. Törtinşiden, Keñestiñ öñirlik jäne halıqaralıq deñgeydegi sayasi jäne ekonomikalıq bedeli ösip keledi. Besinşiden, Türki älemi integraciyasınıñ twjırımdaması qabıldandı, – dedi Elbası.

Qazaqstannıñ Twñğış Prezidenti Türki integraciyası procesin jalğastırudıñ mañızdılığına toqtalıp, Türki keñesin odan äri damıtu üşin eki wsınıs ayttı.

Birinşiden, «Türki keleşegi – 2040» bağdarlamasın äzirleu. Bwl qwjatqa türki tildes qoğamdastıqtıñ wzaq merzimdi maqsattarı men oğan qol jetkizu joldarı engiziluge tiis. Osılayşa biz memleketterimiz üşin sırtqı sayasat pen «jwmsaq küş» sayasatı, sauda jäne tranzit, turizm jäne investiciya, energetika men jasıl ekonomika, şağın jäne orta biznes siyaqtı basım bağıttardağı ıntımaqtastıqtı nığaytuğa aytarlıqtay serpin beremiz, – dedi Nwrswltan Nazarbaev.

Sonımen qatar, Elbası is-şaralar bağdarlamasına mädeniet jäne bilim beru, jastar sayasatı men densaulıq saqtau, cifrlandıru jäne jasandı intellekt salaların engizu qajettiligin atap ötti.

Sonday-aq, Qazaqstannıñ Twñğış Prezidenti «Türki äleminiñ besigi» – Türkistan qalasın damıtudıñ mañızdılığına nazar audardı.

Ekinşiden, bolaşaqta Keñesimizdiñ atauın qayta qaraudı wsınamın. Türki tildes memleketter ıntımaqtastığı keñesin Wyım deñgeyine deyin köteruge boladı dep sanaymın. Osılayşa, bizdiñ qwrılımdı «Türkitektes memleketter wyımı» dep atauğa boladı, – dedi Nwrswltan Nazarbaev.

Abai.kz

1 pikir