Beysenbi, 21 Qaraşa 2019
46 - söz 1986 10 pikir 17 Qazan, 2019 sağat 12:49

Soltüstik oblıstar sizderdi kütip otır

Soltüstik öñirlerdegi orıs halqınıñ tarihi otanı Reseyge üdere köşui äserinen twrğındar sanı kemip, jwmıs küşiniñ jetispeuşiligi ülken problemağa aynalıp otır.
Esesine Türkistan oblısında artıq eñbek küşi jeterlik..

Eger sizdiñ baspanañız joq bolsa, jwmısıñız joq bolsa baspanalı boluğa, jwmıs tabuğa tolıq mümkindigiñiz bar..

Ol üşin jergilikti jerdegi jwmıspen qamtu ortalığına habarlassañız bolğanı..
ŞQO, SQO, Pavlodar, Qostanay oblıstarı sizderdi kütip otır.
Jer öñdeymin, mal asıraymın nemese özge käsip aşam degen azamattarğa barlıq mümkindik bar...
1. Bäsekeles az..
2. Memlekettiñ qamqorlığı ülken..
3. Mwğalim bolsañız "Diplommen auılğa" bağdarlaması b oyınşa memleketten kömek alasız.
Baspana jeterlik.
Qalasañız köpqabattı üyden päter ala alasız.
Qalasañız, audanı kemi 90 şarşı metrlik jer üy, qalasañız, bwrınğı sovhozdardan qalğan kirpiş kottedj ala alasız.
"Bwrın bar, bwrın barsañ orın bar"...
Erterek qimıldau kerek..

Soltüstik Qazaqstan oblısında ğana Oñtüstikten qonıs audaruşılarğa arnap 428 üy salınıp jatır.

Tek Şal aqın audanında (SQO) ğana oñtüstikten qonıs audaratındar üşin biıl 26 üy beriledi.
Üyler 4 tiptik joba boyınşa salınıp jatır. Eñ şağın üydiñ özi 90 şarşı metr..

Pavlodar oblısına "Nwrlı köş" bağdarlaması boyınşa twrğın üy qwrılısı üşin kelesi jılğa 8 mlrd teñge bölingen.
Käsipkerlikpen aynalısam deseñiz, öndirgen tauarıñızğa twtınuşı dayın. Atalğan oblıstarmen şekaralas Reseydiñ 4 oblısında ğana 18 mln halıq twradı.

Memlekettik qızmetke beyimi bar azamattardı jergilikti twrğındar özderi-aq köteretinin közimiz kördi.
2017 jılı SQO, M.Jwmabaev audanına mwğalim bolıp barğan Nwrjamal Tämbetova qazir audan äkiminiñ bas keñesşisi.

Törearıqtıq (Arıs) Berik Qalmwratov Ordabası audanı äkimdigindegi jwmısın tastap, biıl aqpan ayında Qostanay oblısı Sarıköl audanına qonıs audarğan. Kele sala memlekettiñ kömegimen üy alıp, üy mañındağı jer telimine qiyar, kartop egip tastaptı. Odan özge 50 sotıq jılıjayğa tağı biraz kökönis otırğızıptı. Üyiniñ janındağı kölge üyrek-qaz asıraptı..
Beriktiñ iskerligin bayqağan auıl twrğındarı jaqında auıldıq okrugtiñ äkimi etip saylaptı..
Ayta berse mwnday faktiler öte köp..

Al atalğan oblıstardıñ tabiğatınıñ swlulığın suretteu üşin aqın bolu kerek..

Osı orayda Jetisay audandıq mäslihatınıñ deputatı Ädilhan Asauovtıñ audan twrğındarımen kezdesude aytqan äñgimesi eske tücip otır.

Meniñ äkemniñ tuğan jeri Qazığwrt baurayındağı Beynetkeş auılı.
Soğıstan keyin äkem Taşkentke oquğa tüsipti.
1947 jıldar şamasında bolsa kerek, jazğı demalısqa kelse auıl joq. Jwrtta qalğan aqsaq itti jetelep, körşi auılğa baradı. Sol jerde öz auılın taylı-tayağına deyin ökimet Mırzaşölge kanal qazuğa aydap äketkenin estidi.
Sonımen soñında aqsaq it, Keles özenin jağalap, odan Sırdı boylap Mırzaşölge 8 kün degende jetedi..
Jan-jaqtan jinalğan qaraqwrım adam ataqtı "Kirov" kanalın ketpen-kürekpen qazıp jatır.

Swrastırıp jürip öz tuıstarın tabadı. Kanal qazuşı jwmıskerlerdiñ barlığı jerkepe qazıp alğan. Keybir jerkepe qazğan kezde, körşi kepege ötip ketip, eki otbasınıñ arasında qabırğa bolmay qalğan jağdaylar jeterlik eken.
Tañerteñ ülken qazanğa su qwyıp qaynata bastaydı. Su qaynağan kezde oğan kirpişeşen, tasbaqa, jılan deysiz be, wstağandarın sala beredi. Jwmıskerler ğana emes, bala-şağa, qatın-qalaş bärine tüski as älgi sorpa..
Kelgen jağına qaşqandardı NKVD sottaydı...
Mine, qazir üy salmaq tügili bwzau arqandaytın bos jer qalmağan Mırzaşöldi qazaq osılay güldendirgen...

Soltüstikti de qazaqqa toltıramız.
Ayaqqa oralğandardı attap ötip...

Ömir Şınıbekwlınıñ facebook paraqşasınan

Abai.kz

10 pikir