Jwma, 22 Qaraşa 2019
Mine, äñgime! 3444 5 pikir 18 Qazan, 2019 sağat 11:35

«Äleumettik kömekpen» alday bermey, pedagogtardıñ zeynet jasın tömendetsin

Qıs mausımı tayadı. Jılıtu mausımı bastalıp ta qoydı. Auıldı jerde jwmıs jasaytın wstazdar qauımı jergilikti atqaruşı organğa moyının sozıp bir rettik kömekten dämeli. QR «Bilim turalı» zañınıñ 53 bap 2 tarmağı boyınşa jergilikti «atqaruşı», «uäkiletti organdar» tağayındağan qarajattar da böline bastadı. Är jerde soması är qalay. Bwl kömek «bilim turalı» zañmen qarastırılğan ba desek bwnıñ tağı qosımşa zañı tağı bar eken. 

Ol: «Agroönerkäsiptik keşendi jäne auıldıq aumaqtardı damıtudı memlekettik retteu turalı Qazaqstan Respublikasınıñ 2005 jılğı 8 şildedegi N 66 Zañı eken. Onıñ 18 babınıñ 5 tarmağı boyınşa «Auıldıq eldi mekenderde twratın jäne jwmıs isteytin» dep bastalatın joldarınıñ kesirinen bwl ataulı kömekti auıldı jerde jwmıs istese de, twrsa da wstazdardıñ köbi ala bermeydi. Nege? Bir zañ rwqsat berip, ekinşi zañ toqtau qoydı. Bwl joldar ökinişke oray jaña «Pedagog märtebesi» zañına osı mätinmen ketti. Jergilikti «atqaruşı  organnıñ» bwl tağayındağan aqısınıñ kölemi är jerde är türli bağada, keybir jerde külkini keltiredi. Mazaq qılmay alıp tastağan dwrıs şığar.

Endi wstazdar nege tolıq ala-almaytınına toqtalayıq. «Bilim turalı» zañınıñ 53 bap 1 tarmaqşasına säykes «Qazaqstan Respublikasınıñ zañnamasına säykes twrğın üy, onıñ işinde qızmettik üy jäne (nemese) jataqhana» dep äleumettik kepildik berilse de mwğalimderdiñ köbi «kvartiranttar». Tipti mwğalimderge «arnalğan» twrğın üy alu turalı bağdarlama da bar eken, biraq ökinişke oray mwğalimder habarsız. Sonımen «propiskası» qalada, özi qalanıñ şetinde auılda «kvartirant» bolıp jürgen wstazdarğa bwl ataulı kömek mülde timeydi desek te boladı. Üysiz jürgeni bılay twrsın, «kvartirant» bola jüre bwl ataulı kömekten qağılatın bolsa, onıñ mölşeri külkili jağdayda bolsa jaña zañ jobasınan alıp tastağan dwrıs. Odan da wstazdardıñ eñbegine say zeynet jasın tömendetkeni dwrıs...

Bilim turalı

Qazaqstan Respublikasınıñ 2007 jılğı 27 şildedegi № 319 Zañı

53-bap. Äleumettik kepildikter

1.Pedagog qızmetkerler mınaday:

2. Auıldıq jerde jwmıs isteytin bilim berudiñ pedagog qızmetkerleri jergilikti ökildi organdardıñ şeşimi boyınşa:

    1) qala jağdayında pedagogtik qızmetpen aynalısatın pedagog qızmetkerlerdiñ stavkalarımen salıstırğanda aylıqaqılar men tariftik stavkalar keminde jiırma bes procentke arttırılıp belgilenedi;

    2) kommunaldıq qızmet körsetulerge şığıstardı jabuğa jäne twrğın üy-jaylardı jılıtu üşin otın satıp aluğa jergilikti ökildi organdardıñ şeşimi boyınşa belgilenetin mölşerde byudjet qarajatı esebinen birjolğı aqşalay ötemaqı tölenedi;

Agroönerkäsiptik keşendi jäne auıldıq aumaqtardı damıtudı memlekettik retteu turalı

Qazaqstan Respublikasınıñ 2005 jılğı 8 şildedegi N 66 Zañı.

18-bap. Auıldıq aumaqtardı damıtu

4. Azamattıq qızmetşi bolıp tabılatın jäne auıldıq eldi mekenderde jwmıs isteytin densaulıq saqtau, äleumettik qamsızdandıru, bilim beru, mädeniet, sport, veterinariya, orman şaruaşılığı jäne erekşe qorğalatın tabiği aumaqtar salasındağı mamandarğa, sonday-aq jergilikti byudjetterden qarjılandırılatın memlekettik wyımdarda jwmıs isteytin atalğan mamandarğa qızmettiñ osı türlerimen qalalıq jağdayda aynalısatın mamandardıñ mölşerlemelerimen salıstırğanda keminde jiırma bes payızğa joğarılatılğan aylıqaqılar men tariftik mölşerlemeler jergilikti ökildi organdardıñ (mäslihattardıñ) şeşimi boyınşa belgilenui mümkin.

5. Auıldıq eldi mekenderde twratın jäne jwmıs isteytin memlekettik densaulıq saqtau, äleumettik qamsızdandıru, bilim beru, mädeniet, sport jäne veterinariya wyımdarınıñ mamandarına byudjet qarajatı esebinen kommunaldıq körsetiletin qızmetterge aqı töleu jäne otın satıp alu boyınşa äleumettik qoldau jergilikti ökildi organdar (mäslihattar) bekitken tärtippen jäne mölşerde körsetiledi

Meyirjan Temirbek

«Mwğalim märtebesi» QB törağası

Abai.kz

5 pikir