قىس ماۋسىمى تايادى. جىلىتۋ ماۋسىمى باستالىپ تا قويدى. اۋىلدى جەردە جۇمىس جاسايتىن ۇستازدار قاۋىمى جەرگىلىكتى اتقارۋشى ورگانعا مويىنىن سوزىپ ءبىر رەتتىك كومەكتەن دامەلى. قر «ءبىلىم تۋرالى» زاڭىنىڭ 53 باپ 2 تارماعى بويىنشا جەرگىلىكتى «اتقارۋشى»، «ۋاكىلەتتى ورگاندار» تاعايىنداعان قاراجاتتار دا بولىنە باستادى. ءار جەردە سوماسى ءار قالاي. بۇل كومەك «ءبىلىم تۋرالى» زاڭمەن قاراستىرىلعان با دەسەك بۇنىڭ تاعى قوسىمشا زاڭى تاعى بار ەكەن. 

ول: «اگروونەركاسىپتىك كەشەندى جانە اۋىلدىق اۋماقتاردى دامىتۋدى مەملەكەتتىك رەتتەۋ تۋرالى قازاقستان رەسپۋبليكاسىنىڭ 2005 جىلعى 8 شىلدەدەگى N 66 زاڭى ەكەن. ونىڭ 18 بابىنىڭ 5 تارماعى بويىنشا «اۋىلدىق ەلدi مەكەندەردە تۇراتىن جانە جۇمىس ىستەيتiن» دەپ باستالاتىن جولدارىنىڭ كەسىرىنەن بۇل اتاۋلى كومەكتى اۋىلدى جەردە جۇمىس ىستەسە دە، تۇرسا دا ۇستازداردىڭ كوبى الا بەرمەيدى. نەگە؟ ءبىر زاڭ رۇقسات بەرىپ، ەكىنشى زاڭ توقتاۋ قويدى. بۇل جولدار وكىنىشكە وراي جاڭا «پەداگوگ مارتەبەسى» زاڭىنا وسى ماتىنمەن كەتتى. جەرگىلىكتى «اتقارۋشى  ورگاننىڭ» بۇل تاعايىنداعان اقىسىنىڭ كولەمى ءار جەردە ءار ءتۇرلى باعادا، كەيبىر جەردە كۇلكىنى كەلتىرەدى. مازاق قىلماي الىپ تاستاعان دۇرىس شىعار.

ەندى ۇستازدار نەگە تولىق الا-المايتىنىنا توقتالايىق. «ءبىلىم تۋرالى» زاڭىنىڭ 53 باپ 1 تارماقشاسىنا سايكەس «قازاقستان رەسپۋبليكاسىنىڭ زاڭناماسىنا سايكەس تۇرعىن ءۇي، ونىڭ ىشىندە قىزمەتتىك ءۇي جانە (نەمەسە) جاتاقحانا» دەپ الەۋمەتتىك كەپىلدىك بەرىلسە دە مۇعالىمدەردىڭ كوبى «كۆارتيرانتتار». ءتىپتى مۇعالىمدەرگە «ارنالعان» تۇرعىن ءۇي الۋ تۋرالى باعدارلاما دا بار ەكەن، بىراق وكىنىشكە وراي مۇعالىمدەر حابارسىز. سونىمەن «پروپيسكاسى» قالادا، ءوزى قالانىڭ شەتىندە اۋىلدا «كۆارتيرانت» بولىپ جۇرگەن ۇستازدارعا بۇل اتاۋلى كومەك مۇلدە تيمەيدى دەسەك تە بولادى. ءۇيسىز جۇرگەنى بىلاي تۇرسىن، «كۆارتيرانت» بولا جۇرە بۇل اتاۋلى كومەكتەن قاعىلاتىن بولسا، ونىڭ مولشەرى كۇلكىلى جاعدايدا بولسا جاڭا زاڭ جوباسىنان الىپ تاستاعان دۇرىس. ودان دا ۇستازداردىڭ ەڭبەگىنە ساي زەينەت جاسىن تومەندەتكەنى دۇرىس...

ءبىلىم تۋرالى

قازاقستان رەسپۋبليكاسىنىڭ 2007 جىلعى 27 شىلدەدەگى № 319 زاڭى

53-باپ. الەۋمەتتىك كەپىلدىكتەر

1.پەداگوگ قىزمەتكەرلەر مىناداي:

2. اۋىلدىق جەردە جۇمىس ىستەيتىن ءبىلىم بەرۋدىڭ پەداگوگ قىزمەتكەرلەرى جەرگىلىكتى وكىلدى ورگانداردىڭ شەشىمى بويىنشا:

    1) قالا جاعدايىندا پەداگوگتىك قىزمەتپەن اينالىساتىن پەداگوگ قىزمەتكەرلەردىڭ ستاۆكالارىمەن سالىستىرعاندا ايلىقاقىلار مەن تاريفتىك ستاۆكالار كەمىندە جيىرما بەس پروتسەنتكە ارتتىرىلىپ بەلگىلەنەدى;

    2) كوممۋنالدىق قىزمەت كورسەتۋلەرگە شىعىستاردى جابۋعا جانە تۇرعىن ءۇي-جايلاردى جىلىتۋ ءۇشىن وتىن ساتىپ الۋعا جەرگىلىكتى وكىلدى ورگانداردىڭ شەشىمى بويىنشا بەلگىلەنەتىن مولشەردە بيۋدجەت قاراجاتى ەسەبىنەن بىرجولعى اقشالاي وتەماقى تولەنەدى;

اگروونەركاسىپتىك كەشەندى جانە اۋىلدىق اۋماقتاردى دامىتۋدى مەملەكەتتىك رەتتەۋ تۋرالى

قازاقستان رەسپۋبليكاسىنىڭ 2005 جىلعى 8 شىلدەدەگى N 66 زاڭى.

18-باپ. اۋىلدىق اۋماقتاردى دامىتۋ

4. ازاماتتىق قىزمەتشى بولىپ تابىلاتىن جانە اۋىلدىق ەلدi مەكەندەردە جۇمىس iستەيتiن دەنساۋلىق ساقتاۋ، الەۋمەتتiك قامسىزداندىرۋ، بiلiم بەرۋ، مادەنيەت، سپورت، ۆەتەريناريا، ورمان شارۋاشىلىعى جانە ەرەكشە قورعالاتىن تابيعي اۋماقتار سالاسىنداعى ماماندارعا، سونداي-اق جەرگىلىكتى بيۋدجەتتەردەن قارجىلاندىرىلاتىن مەملەكەتتىك ۇيىمداردا جۇمىس ىستەيتىن اتالعان ماماندارعا قىزمەتتiڭ وسى تۇرلەرiمەن قالالىق جاعدايدا اينالىساتىن مامانداردىڭ مولشەرلەمەلەرىمەن سالىستىرعاندا كەمiندە جيىرما بەس پايىزعا جوعارىلاتىلعان ايلىقاقىلار مەن تاريفتiك مولشەرلەمەلەر جەرگiلiكتi وكiلدi ورگانداردىڭ ء(ماسليحاتتاردىڭ) شەشiمi بويىنشا بەلگiلەنۋi مۇمكiن.

5. اۋىلدىق ەلدi مەكەندەردە تۇراتىن جانە جۇمىس ىستەيتiن مەملەكەتتiك دەنساۋلىق ساقتاۋ، الەۋمەتتiك قامسىزداندىرۋ، ءبىلىم بەرۋ، مادەنيەت، سپورت جانە ۆەتەريناريا ۇيىمدارىنىڭ ماماندارىنا بيۋدجەت قاراجاتى ەسەبiنەن كوممۋنالدىق كورسەتىلەتىن قىزمەتتەرگە اقى تولەۋ جانە وتىن ساتىپ الۋ بويىنشا الەۋمەتتىك قولداۋ جەرگىلىكتى وكiلدi ورگاندار ء(ماسليحاتتار) بەكىتكەن تارتىپپەن جانە مولشەردە كورسەتىلەدى

مەيىرجان تەمىربەك

«مۇعالىم مارتەبەسى» قب توراعاسى

Abai.kz