Саудиттар Ресейді дегеніне көндірген сияқты
Алдын-ала бар ақпаратқа сүйенсек ОПЕК отырысы он сағатқа жуық жүрген. Саудиттар ақыры Ресейді дегеніне көндірген сияқты. Мысалы 5-наурызда Ресей күніне 300 мың баррель қысқартуға, ал 8-сәуірде күніне 1,6 млн баррель қысқартуға үзілді-кесілді қарсы болып, көкбеттенген еді. Енді міне саудиттар да, Ресей де күніне 2,5 млн баррельге қысқартатын болып алдын-ала келісті.
Мәскеудің "10 жылға шыдаймыз" дегені бос сөз болып шықты-ау. Саудиттар сөзсіз ұтты, өйткені олар келісімге дейін онсыз да 3 млн баррель артық қосып өндіріп жатқан болатын. Бар болғаны соны азайтады. Ал Ресей негізгі өндірістік баррелінен азайтады.
Сонымен бірге Ирак 1 миллион баррель, БАӘ 0,7 миллион баррель, Нигерия 0,42 миллион баррель, Мексика 0,4 миллион баррель азайтуы тиіс. Қалғанын G20 елдері келісіп, азайтпақ. Отырыстың басты келісімі әлемдегі мұнай өндірісін күніне 43,8 млннан 33,8 млнға азайту. Жалпы келісім 1-мамырдан бастап іскн аспақ.
ПыСы: Тек Мексика өкілдері ғана келіссөз барысында келіспей, тұрып кетіп қалды. Қызуқанды жігіттер бірдеңе иіскеп келген сияқты...
Асхат Қасенғалидың әлеуметтік желідегі жазбасы
Abai.kz
