Алматыда елбасының ескерткіші ашылды
Қарашаның 11-і күні сағат 11 де Алматыдағы Тұңғыш президент саябағында дәл ортада президент Назарбаевтың ескерткіші қойылған «Қазақстан» атты ескерткіштер композициясының тұсауы кесілді. Ескерткіштер композициясын қала құрылысшылар, суретшілер, мүсіншілер, дизайнерлер одақтартары өз күштерімен, Тәуелсіздіктің 20 жылдығына сый ретінде орнатып отырған көрінеді. Монументалды композициялық ескерткіштің құны қаншаға түскенін мүсінші Шоқан Төлеш "демеушілер қанша қаражат жұмсалғанын айтпа" деп өтініп еді", деп құпия қалдырды.
Тұсаукесерге қала әкімі Ахметжан Есімов, Дариға Назарбаева, Қуаныш Сұлтанов, Асанәлі Әшімов, Нұрлан Оразалин, Рахман Алшанов, Марфуға Айтқожина, Сәбит Оразбаев тағы басқа адамдар қатысты.
Президент ескерткішінің авторы Шоқан Төлештің сөзіне қарағанда, ескерткіште елбасы шыңның үстінде сол қолымен тіреніп (тіреніп отыру - нық, мызғымай отыруды білдіреді дейді) оң қолымен нұр шашып отырған етіп салынған. Шоқан Төлеш бұл жұмысты тоғыз ай бойы жасапты. Мүсінші мырза ескеткішті елбасының өзі келіп көретініне сенімді әрі осы еңбегіне мемлекеттік дәрежеде атақ ұсынса бас тартпайтынын жасырмады.
Ескерткіштің артында құстың қос қанаты салынған. Сол қанаттың астында - Алматы, оң қанаттың астында - Астана қалалары бейнеленген. «Қазақстан» ескерткіштер композициясының қысқаша мазмұны - осы.
Қарашаның 11-і күні сағат 11 де Алматыдағы Тұңғыш президент саябағында дәл ортада президент Назарбаевтың ескерткіші қойылған «Қазақстан» атты ескерткіштер композициясының тұсауы кесілді. Ескерткіштер композициясын қала құрылысшылар, суретшілер, мүсіншілер, дизайнерлер одақтартары өз күштерімен, Тәуелсіздіктің 20 жылдығына сый ретінде орнатып отырған көрінеді. Монументалды композициялық ескерткіштің құны қаншаға түскенін мүсінші Шоқан Төлеш "демеушілер қанша қаражат жұмсалғанын айтпа" деп өтініп еді", деп құпия қалдырды.
Тұсаукесерге қала әкімі Ахметжан Есімов, Дариға Назарбаева, Қуаныш Сұлтанов, Асанәлі Әшімов, Нұрлан Оразалин, Рахман Алшанов, Марфуға Айтқожина, Сәбит Оразбаев тағы басқа адамдар қатысты.
Президент ескерткішінің авторы Шоқан Төлештің сөзіне қарағанда, ескерткіште елбасы шыңның үстінде сол қолымен тіреніп (тіреніп отыру - нық, мызғымай отыруды білдіреді дейді) оң қолымен нұр шашып отырған етіп салынған. Шоқан Төлеш бұл жұмысты тоғыз ай бойы жасапты. Мүсінші мырза ескеткішті елбасының өзі келіп көретініне сенімді әрі осы еңбегіне мемлекеттік дәрежеде атақ ұсынса бас тартпайтынын жасырмады.
Ескерткіштің артында құстың қос қанаты салынған. Сол қанаттың астында - Алматы, оң қанаттың астында - Астана қалалары бейнеленген. «Қазақстан» ескерткіштер композициясының қысқаша мазмұны - осы.
Шара басталмас бұрын ақ жамылғымен жабылған ескерткішке әр аудан бойынша тізімдеп алып келген адамдарды жақын жібермеді. Ортада тізілген жігіттер қала бойынша әртүрлі қызметтердің құлағын ұстағандарды болмаса, мәжбүрлікпен келген қарапайым жұртты кейін ығыстырып тұрды.
Ал, саябақтың айналасы толған полицей. Саябақтың ішіне кіретін есіктің қос босағасында ит ұстаған әскерилер тұрды. Ішіне кірген бетте ішкі босағада тұрған полицейлер әйелдердің сумкасын тексеріп әлектеніп жатты.
«Қазақстан» ескерткіштер композициясын ашу бір жарым сағатқа созылып, ақыры тізім бойынша келген жұрт та жұмыстарына кетті.
«Абай-ақпарат»
Редакциядан:
Ахметжан Есімов, Нұрлан Оразалин, Асанәлі Әшімов, Қуаныш Сұлтановтардың президент ескерткішінің ашылу кезінде тебірене сөйлеген сөздерін (бейнетаспаны) сәлден кейін осы жерден көре алатын боласыздар.
