الماتىدا ەلباسىنىڭ ەسكەرتكىشى اشىلدى
قاراشانىڭ 11-ءى كۇنى ساعات 11 دە الماتىداعى تۇڭعىش پرەزيدەنت ساياباعىندا ءدال ورتادا پرەزيدەنت نازارباەۆتىڭ ەسكەرتكىشى قويىلعان «قازاقستان» اتتى ەسكەرتكىشتەر كومپوزيتسياسىنىڭ تۇساۋى كەسىلدى. ەسكەرتكىشتەر كومپوزيتسياسىن قالا قۇرىلىسشىلار، سۋرەتشىلەر، مۇسىنشىلەر، ديزاينەرلەر وداقتارتارى ءوز كۇشتەرىمەن، تاۋەلسىزدىكتىڭ 20 جىلدىعىنا سىي رەتىندە ورناتىپ وتىرعان كورىنەدى. مونۋمەنتالدى كومپوزيتسيالىق ەسكەرتكىشتىڭ قۇنى قانشاعا تۇسكەنىن ءمۇسىنشى شوقان تولەش "دەمەۋشىلەر قانشا قاراجات جۇمسالعانىن ايتپا" دەپ ءوتىنىپ ەدى", دەپ قۇپيا قالدىردى.
تۇساۋكەسەرگە قالا اكىمى احمەتجان ەسىموۆ، داريعا نازارباەۆا، قۋانىش سۇلتانوۆ، ءاسانالى ءاشىموۆ، نۇرلان ورازالين، راحمان الشانوۆ، مارفۋعا ايتقوجينا، ءسابيت ورازباەۆ تاعى باسقا ادامدار قاتىستى.
پرەزيدەنت ەسكەرتكىشىنىڭ اۆتورى شوقان تولەشتىڭ سوزىنە قاراعاندا، ەسكەرتكىشتە ەلباسى شىڭنىڭ ۇستىندە سول قولىمەن تىرەنىپ (تىرەنىپ وتىرۋ - نىق، مىزعىماي وتىرۋدى بىلدىرەدى دەيدى) وڭ قولىمەن نۇر شاشىپ وتىرعان ەتىپ سالىنعان. شوقان تولەش بۇل جۇمىستى توعىز اي بويى جاساپتى. ءمۇسىنشى مىرزا ەسكەتكىشتى ەلباسىنىڭ ءوزى كەلىپ كورەتىنىنە سەنىمدى ءارى وسى ەڭبەگىنە مەملەكەتتىك دارەجەدە اتاق ۇسىنسا باس تارتپايتىنىن جاسىرمادى.
ەسكەرتكىشتىڭ ارتىندا قۇستىڭ قوس قاناتى سالىنعان. سول قاناتتىڭ استىندا - الماتى، وڭ قاناتتىڭ استىندا - استانا قالالارى بەينەلەنگەن. «قازاقستان» ەسكەرتكىشتەر كومپوزيتسياسىنىڭ قىسقاشا مازمۇنى - وسى.
قاراشانىڭ 11-ءى كۇنى ساعات 11 دە الماتىداعى تۇڭعىش پرەزيدەنت ساياباعىندا ءدال ورتادا پرەزيدەنت نازارباەۆتىڭ ەسكەرتكىشى قويىلعان «قازاقستان» اتتى ەسكەرتكىشتەر كومپوزيتسياسىنىڭ تۇساۋى كەسىلدى. ەسكەرتكىشتەر كومپوزيتسياسىن قالا قۇرىلىسشىلار، سۋرەتشىلەر، مۇسىنشىلەر، ديزاينەرلەر وداقتارتارى ءوز كۇشتەرىمەن، تاۋەلسىزدىكتىڭ 20 جىلدىعىنا سىي رەتىندە ورناتىپ وتىرعان كورىنەدى. مونۋمەنتالدى كومپوزيتسيالىق ەسكەرتكىشتىڭ قۇنى قانشاعا تۇسكەنىن ءمۇسىنشى شوقان تولەش "دەمەۋشىلەر قانشا قاراجات جۇمسالعانىن ايتپا" دەپ ءوتىنىپ ەدى", دەپ قۇپيا قالدىردى.
تۇساۋكەسەرگە قالا اكىمى احمەتجان ەسىموۆ، داريعا نازارباەۆا، قۋانىش سۇلتانوۆ، ءاسانالى ءاشىموۆ، نۇرلان ورازالين، راحمان الشانوۆ، مارفۋعا ايتقوجينا، ءسابيت ورازباەۆ تاعى باسقا ادامدار قاتىستى.
پرەزيدەنت ەسكەرتكىشىنىڭ اۆتورى شوقان تولەشتىڭ سوزىنە قاراعاندا، ەسكەرتكىشتە ەلباسى شىڭنىڭ ۇستىندە سول قولىمەن تىرەنىپ (تىرەنىپ وتىرۋ - نىق، مىزعىماي وتىرۋدى بىلدىرەدى دەيدى) وڭ قولىمەن نۇر شاشىپ وتىرعان ەتىپ سالىنعان. شوقان تولەش بۇل جۇمىستى توعىز اي بويى جاساپتى. ءمۇسىنشى مىرزا ەسكەتكىشتى ەلباسىنىڭ ءوزى كەلىپ كورەتىنىنە سەنىمدى ءارى وسى ەڭبەگىنە مەملەكەتتىك دارەجەدە اتاق ۇسىنسا باس تارتپايتىنىن جاسىرمادى.
ەسكەرتكىشتىڭ ارتىندا قۇستىڭ قوس قاناتى سالىنعان. سول قاناتتىڭ استىندا - الماتى، وڭ قاناتتىڭ استىندا - استانا قالالارى بەينەلەنگەن. «قازاقستان» ەسكەرتكىشتەر كومپوزيتسياسىنىڭ قىسقاشا مازمۇنى - وسى.
شارا باستالماس بۇرىن اق جامىلعىمەن جابىلعان ەسكەرتكىشكە ءار اۋدان بويىنشا تىزىمدەپ الىپ كەلگەن ادامداردى جاقىن جىبەرمەدى. ورتادا تىزىلگەن جىگىتتەر قالا بويىنشا ءارتۇرلى قىزمەتتەردىڭ قۇلاعىن ۇستاعانداردى بولماسا، ماجبۇرلىكپەن كەلگەن قاراپايىم جۇرتتى كەيىن ىعىستىرىپ تۇردى.
ال، ساياباقتىڭ اينالاسى تولعان پوليتسەي. ساياباقتىڭ ىشىنە كىرەتىن ەسىكتىڭ قوس بوساعاسىندا يت ۇستاعان اسكەريلەر تۇردى. ىشىنە كىرگەن بەتتە ىشكى بوساعادا تۇرعان پوليتسەيلەر ايەلدەردىڭ سۋمكاسىن تەكسەرىپ الەكتەنىپ جاتتى.
«قازاقستان» ەسكەرتكىشتەر كومپوزيتسياسىن اشۋ ءبىر جارىم ساعاتقا سوزىلىپ، اقىرى ءتىزىم بويىنشا كەلگەن جۇرت تا جۇمىستارىنا كەتتى.
«اباي-اقپارات»
رەداكتسيادان:
احمەتجان ەسىموۆ، نۇرلان ورازالين، ءاسانالى ءاشىموۆ، قۋانىش سۇلتانوۆتاردىڭ پرەزيدەنت ەسكەرتكىشىنىڭ اشىلۋ كەزىندە تەبىرەنە سويلەگەن سوزدەرىن (بەينەتاسپانى) سالدەن كەيىن وسى جەردەن كورە الاتىن بولاسىزدار.
