Қырғызстан азаматы Раушан Айтқұлова елдегі эпидемиологиялық жағдайдың ушығып кетуіне байланысты Президент Сооронбай Жээнбековті сотқа берді. 

Оның Жээнбеков пен басқа да шенеуніктердің үстінен жазған арызын Бас прокуратура қарап жатыр.

«13 шілдеде азамат Раушан Айтқұловадан Қырғызстан президенті Сооронбай Жээнбеков пен өзге де жоғарғы қызметтегі шенеуніктерді қиындап кеткен эпидемиологиялық жағдай мен күн сайынғы өлім-жітім үшін жауапқа тарту туралы арыз түсті. Арыз прокуратураның жалпы бөлімінде тіркелді», – делінген Қырғызстанның Бас прокуратурасы таратқан мәліметте.

Раушан Айтқұлова – журналист әрі қоғам белсендісі, «Фатиха» атты қордың төрағасы.

Ол президентті жауапқа тарту туралы бұған дейін де әлеуметтік желіде жазып, импичментке қол жинаған. Қазірге дейін 2,5 адам қол қойыпты.

Қырғызстандағы жағдай бойынша 11,5 мың адам коронавирус жұқтырып, 149 адам қайтыс болған.

Abai.kz