قىرعىزستان ازاماتى راۋشان ايتقۇلوۆا ەلدەگى ەپيدەميولوگيالىق جاعدايدىڭ ۋشىعىپ كەتۋىنە بايلانىستى پرەزيدەنت سوورونباي جەەنبەكوۆتى سوتقا بەردى. 

ونىڭ جەەنبەكوۆ پەن باسقا دا شەنەۋنىكتەردىڭ ۇستىنەن جازعان ارىزىن باس پروكۋراتۋرا قاراپ جاتىر.

«13 شىلدەدە ازامات راۋشان ايتقۇلوۆادان قىرعىزستان پرەزيدەنتى سوورونباي جەەنبەكوۆ پەن وزگە دە جوعارعى قىزمەتتەگى شەنەۋنىكتەردى قيىنداپ كەتكەن ەپيدەميولوگيالىق جاعداي مەن كۇن سايىنعى ءولىم-ءجىتىم ءۇشىن جاۋاپقا تارتۋ تۋرالى ارىز ءتۇستى. ارىز پروكۋراتۋرانىڭ جالپى بولىمىندە تىركەلدى», – دەلىنگەن قىرعىزستاننىڭ باس پروكۋراتۋراسى تاراتقان مالىمەتتە.

راۋشان ايتقۇلوۆا – جۋرناليست ءارى قوعام بەلسەندىسى، «فاتيحا» اتتى قوردىڭ توراعاسى.

ول پرەزيدەنتتى جاۋاپقا تارتۋ تۋرالى بۇعان دەيىن دە الەۋمەتتىك جەلىدە جازىپ، يمپيچمەنتكە قول جيناعان. قازىرگە دەيىن 2,5 ادام قول قويىپتى.

قىرعىزستانداعى جاعداي بويىنشا 11,5 مىڭ ادام كوروناۆيرۋس جۇقتىرىپ، 149 ادام قايتىس بولعان.

Abai.kz