Атырау облысында карантиндік шектеу шаралары 12 қазанға дейін ұзартылды. Енгізілген жаңа қаулыға сай ойын-сауық орындары мен кинотеатрлардың және букмекерлік кеңселердің жұмысына тыйым салынды.

Қаулы бойынша, Атырау облысының аумағында 2020 жылғы 28 қыркүйек сағат 00:00-ден 12 қазан сағат 00.00-ге дейін шектеу шаралары ұзартылды.

Бір мезгілде жабық ғимараттарда, ашық алаңдарда 50 адамнан аспайтын, кемінде 2 метр әлеуметтік қашықтықты және күшейтілген санитарлық-дезинфекциялық режимді сақтай отырып, бір отбасы мүшелерін қоспағанда бір үстелге 4 адамнан аспайтын адам санына отыруға рұқсат етіп, ұжымдық іс-шараларды өткізбей, қоғамдық тамақтандыру объектілерінің (кафелер, мейрамханалар және басқалар) қызметіне сағат 08:00-дан 00:00-ге дейін рұқсат берілді;

Маска режимін, әлеуметтік қашықтықты сақтай отырып, ашық ауадағы кинотеатрлардың қызметіне рұқсат берілді;

Сауда-ойын-сауық орталықтарында орналасқан (жеке үй-жайларда) қоғамдық тамақтану объектілерінің қызметіне ұжымдық іс-шараларды өткізбей,50-ден аспайтын отыратын орын орнатыла отырып, №43 ҚРБМСД қаулысының талаптары сақталған кезде қызметіне рұқсат берілді.

Қылмыстық-атқару жүйесі мекемелерінде ҚР бас мемлекеттік санитар дәрігердің 2020 жылғы 26 маусымдағы №43 қаулы 24-қосымша талаптарын сақтай отырып ұзақ және қысқа мерзімде кездесулер рұқсат етілді.

Демалыс және мереке күндері келесі шектеу шаралары ұзартылды:

Азық-түлік супермаркеттері мен олардағы дәріханаларды қоспағанда, сауда және ойын-сауық орталықтарының (бутиктер), сауда үйлерінің, сауда желілерінің қызметін тоқтата тұруға;

Азық-түлік емес және азық-түлік жабық базарлардың қызметін тоқтата тұруға;

Теңіз кен орны аумағына бұған дейін енгізілген карантин режимі сақталады.

Abai.kz