بەيسەنبى, 28 ناۋرىز 2024
2576 0 پىكىر 29 قىركۇيەك, 2020 ساعات 13:14

اتىراۋ وبلىسىندا كارانتين ۇزارتىلدى

اتىراۋ وبلىسىندا كارانتيندىك شەكتەۋ شارالارى 12 قازانعا دەيىن ۇزارتىلدى. ەنگىزىلگەن جاڭا قاۋلىعا ساي ويىن-ساۋىق ورىندارى مەن كينوتەاترلاردىڭ جانە بۋكمەكەرلىك كەڭسەلەردىڭ جۇمىسىنا تىيىم سالىندى.

قاۋلى بويىنشا, اتىراۋ وبلىسىنىڭ اۋماعىندا 2020 جىلعى 28 قىركۇيەك ساعات 00:00-دەن 12 قازان ساعات 00.00-گە دەيىن شەكتەۋ شارالارى ۇزارتىلدى.

ويىن-ساۋىق ورىندارىنىڭ (كاراوكە، بيليارد، كومپيۋتەر كلۋبتارى، تۇنگى كلۋبتار، بوۋلينگ ورتالىقتارى، جابىق ءۇي-جايلارداعى بالالاردىڭ ويىن الاڭدارىمەن اتتراكتسيوندار، باتۋتتار جانە باسقالارى), كينوتەاترلاردىڭ (اشىق اسپان استىنداعى كينوتەاترلاردى قوسپاعاندا), بۋكمەكەرلىك كەڭسەلەردىڭ قىزمەتىنە تىيىم ساقتالدى;
مەملەكەتتىك ورگانداردىڭ (ۇيىمداردىڭ، كاسىپورىنداردىڭ), كۆازيمەملەكەتتىك سەكتورلاردىڭ، ۇلتتىق كومپانيالاردىڭ، وزگە دە ۇيىمداردىڭ، سونداي-اق قىزمەتتەرى رۇقسات ەتىلگەن كاسىپكەرلىك سۋبەكتىلەردىڭ قىزمەتىنە الەۋمەتتىك قاشىقتىقتى جانە كۇشەيتىلگەن سانيتارلىق-دەزينفەكتسيالىق رەجيمدى ساقتاي وتىرىپ رۇقسات بەرىلسىن. سونىمەن بىرگە قىزمەتكەرلەردىڭ كەمىندە 50 پايىزى (شتات كەستەسىندە 30-دان اسا قىزمەتكەر بولعاندا) قاشىقتان جۇمىس رەجيمى ساقتالادى;

 

ءبىر مەزگىلدە جابىق عيماراتتاردا، اشىق الاڭداردا 50 ادامنان اسپايتىن، كەمىندە 2 مەتر الەۋمەتتىك قاشىقتىقتى جانە كۇشەيتىلگەن سانيتارلىق-دەزينفەكتسيالىق رەجيمدى ساقتاي وتىرىپ، ءبىر وتباسى مۇشەلەرىن قوسپاعاندا ءبىر ۇستەلگە 4 ادامنان اسپايتىن ادام سانىنا وتىرۋعا رۇقسات ەتىپ، ۇجىمدىق ءىس-شارالاردى وتكىزبەي، قوعامدىق تاماقتاندىرۋ وبەكتىلەرىنىڭ (كافەلەر، مەيرامحانالار جانە باسقالار) قىزمەتىنە ساعات 08:00-دان 00:00-گە دەيىن رۇقسات بەرىلدى;

ماسكا رەجيمىن، الەۋمەتتىك قاشىقتىقتى ساقتاي وتىرىپ، اشىق اۋاداعى كينوتەاترلاردىڭ قىزمەتىنە رۇقسات بەرىلدى;

ساۋدا-ويىن-ساۋىق ورتالىقتارىندا ورنالاسقان (جەكە ءۇي-جايلاردا) قوعامدىق تاماقتانۋ وبەكتىلەرىنىڭ قىزمەتىنە ۇجىمدىق ءىس-شارالاردى وتكىزبەي،50-دەن اسپايتىن وتىراتىن ورىن ورناتىلا وتىرىپ، №43 قربمسد قاۋلىسىنىڭ تالاپتارى ساقتالعان كەزدە قىزمەتىنە رۇقسات بەرىلدى.

قىلمىستىق-اتقارۋ جۇيەسى مەكەمەلەرىندە قر باس مەملەكەتتىك سانيتار دارىگەردىڭ 2020 جىلعى 26 ماۋسىمداعى №43 قاۋلى 24-قوسىمشا تالاپتارىن ساقتاي وتىرىپ ۇزاق جانە قىسقا مەرزىمدە كەزدەسۋلەر رۇقسات ەتىلدى.

دەمالىس جانە مەرەكە كۇندەرى كەلەسى شەكتەۋ شارالارى ۇزارتىلدى:

ازىق-تۇلىك سۋپەرماركەتتەرى مەن ولارداعى ءدارىحانالاردى قوسپاعاندا، ساۋدا جانە ويىن-ساۋىق ورتالىقتارىنىڭ (بۋتيكتەر), ساۋدا ۇيلەرىنىڭ، ساۋدا جەلىلەرىنىڭ قىزمەتىن توقتاتا تۇرۋعا;

ازىق-تۇلىك ەمەس جانە ازىق-تۇلىك جابىق بازارلاردىڭ قىزمەتىن توقتاتا تۇرۋعا;

تەڭىز كەن ورنى اۋماعىنا بۇعان دەيىن ەنگىزىلگەن كارانتين رەجيمى ساقتالادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530