Ресейде вирустан көз жұму бойынша рекорд тіркелді
Ресейде соңғы тәулікте коронавирустық инфекциядан 669 адам қайтыс болды. Бұл вирустан көз жұмғандар арасындағы антирекорд болып отыр. Ақпаратпен Ресейдің коронавирусқа қарсы жедел штабы хабарлады.
Вирустан көз жұмғандардың басым бөлігі елдің екі ірі қаласында тіркелді. Олар Мәскеуде 117 және Санкт-Петербургте 111 адамға тең.
Ресейде коронавирус құрбандарының жалпы саны 135 214 адамға жетті. Жалпы, пандемия басталғаннан бері Ресейде COVID-19 вирусы 5,5 миллион адамнан анықталды, оның 5 миллионы сауығып, 799 860 науқас дәрігерлердің бақылауында қалып отыр.
Abai.kz
