Алматы қаласындағы прокуратура ғимараттарын жөндеуге 1,1 млрд теңгеден астам қаражат жұмсалады. Бұл туралы ҚазТАГ мәлімдеді. 

«Тапсырыс беруші - ҚМУ«Алматы қаласының жайлы қалалық ортасын басқару»; атауы - ғимараттардың / құрылыстардың / үй-жайлардың жекелеген элементтерін жөндеу / қайта құру бойынша жұмыстар (жабдықты, инженерлік жүйелер мен коммуникацияларды қоспағанда); қосымша сипаттамалар - Алматы қаласы прокуратурасының объектілерін қайта жөндеу; жоспарланған сома - Т1 129 390 587,77», - делінген мемлекеттік сатып алу порталында орналастырылған лоттың сипаттамасында.

Көрсетілген соманы екі жылда жұмсау жоспарланып отыр - бірінші жылы - T446.428.571.43, ал екінші жылы - T682.962.016.34 жұмсалмақ.

Конкурсқа қатысуға өтінімдерді алдын-ала қабылдау 8 шілдеде сағат 15.16-да басталып, 23 шілдеде 15.16-да аяқталады.

«Алматы қаласы прокуратураларының жоспарлы жөндеуі: 1. Демонтаждау жұмыстары; 2. Терезе саңылауларын жөндеу және ауыстыру бойынша жұмыстар; 3. Әрлеу жұмыстары; 4. Сантехникалық жұмыстар; 5. Электр қондырғысы және ток күші аз жұмыс; 6. Жақсарту», - делінген байқауға арналған техникалық сипаттамада.

Abai.kz