Алматыда нәресте коронавирустан қайтыс болды. Алматы қалалық қоғамдық денсаулық сақтау басқармасының басшысы Нариман Табынбаев мегаполисте коронавирус жұқтырған балалардың саны артқанын айтты.

195 бала ауруханада, олардың екеуі реанимацияда жатыр. 2540 адам үйде коронавируспен емделуде. Алматының бас дәрігері бұл қауіпті «дельта штаммына» байланысты дейді.

"Өкінішке орай, біз өлімнің бір жағдайын растадық. Нәресте бір айлық еді. Аутопсия коронавирустық инфекцияны жұқтырғанын және содан көз жұмғанын дәлелдеді. Қателеспесем, бұл оқиға бір ай бұрын болған. Менде балалар жұқпалы аурулар ауруханасының басшысының есебі бар, онда барлығы аныөқ жазылған: бала қайда вирусты жұқтырғаны, емдеу қалай жүргізілді және өкінішке орай олар неге оны құтқара алмады деген сұрақтар толық қарастырылған", - деді ол.

Abai.kz