الماتىدا نارەستە كوروناۆيرۋستان قايتىس بولدى. الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى ناريمان تابىنباەۆ مەگاپوليستە كوروناۆيرۋس جۇقتىرعان بالالاردىڭ سانى ارتقانىن ايتتى.

195 بالا اۋرۋحانادا، ولاردىڭ ەكەۋى رەانيماتسيادا جاتىر. 2540 ادام ۇيدە كوروناۆيرۋسپەن ەمدەلۋدە. الماتىنىڭ باس دارىگەرى بۇل قاۋىپتى «دەلتا شتاممىنا» بايلانىستى دەيدى.

"وكىنىشكە وراي، ءبىز ءولىمنىڭ ءبىر جاعدايىن راستادىق. نارەستە ءبىر ايلىق ەدى. اۋتوپسيا كوروناۆيرۋستىق ينفەكتسيانى جۇقتىرعانىن جانە سودان كوز جۇمعانىن دالەلدەدى. قاتەلەسپەسەم، بۇل وقيعا ءبىر اي بۇرىن بولعان. مەندە بالالار جۇقپالى اۋرۋلار اۋرۋحاناسىنىڭ باسشىسىنىڭ ەسەبى بار، وندا بارلىعى انىوق جازىلعان: بالا قايدا ۆيرۋستى جۇقتىرعانى، ەمدەۋ قالاي جۇرگىزىلدى جانە وكىنىشكە وراي ولار نەگە ونى قۇتقارا المادى دەگەن سۇراقتار تولىق قاراستىرىلعان", - دەدى ول.

Abai.kz