Өзбекстанда 12 мен 18 жас аралығындағы 176 мыңнан астам бала коронавирусқа қарсы вакцина алды. Ол үшін әзірге тек Pfizer/BioNTech вакцинасы қолданылуда деп хабарлайды Өзбекстан Республикасы Денсаулық сақтау министрлігі.

28-қыркүйекте балаларға вакцинациялау процесі басталды. Вакцина балаларға ерікті түрде ата-анасының немесе қамқоршысының келісімімен ғана салынады. Бұл үшін Өзбекстанға неміс вакцинасының 2 миллионға жуық дозасы жеткізілген еді.

Бұған дейін Өзбекстанның санитарлық-эпидемиологиялық салауаттылық және денсаулық сақтау қызметі елдегі оқу орындарында карантин енгізілгені туралы ақпаратты жоққа шығарған болатын.

Abai.kz