وزبەكستاندا 12 مەن 18 جاس ارالىعىنداعى 176 مىڭنان استام بالا كوروناۆيرۋسقا قارسى ۆاكتسينا الدى. ول ءۇشىن ازىرگە تەك Pfizer/BioNTech ۆاكتسيناسى قولدانىلۋدا دەپ حابارلايدى وزبەكستان رەسپۋبليكاسى دەنساۋلىق ساقتاۋ مينيسترلىگى.

28-قىركۇيەكتە بالالارعا ۆاكتسيناتسيالاۋ پروتسەسى باستالدى. ۆاكتسينا بالالارعا ەرىكتى تۇردە اتا-اناسىنىڭ نەمەسە قامقورشىسىنىڭ كەلىسىمىمەن عانا سالىنادى. بۇل ءۇشىن وزبەكستانعا نەمىس ۆاكتسيناسىنىڭ 2 ميلليونعا جۋىق دوزاسى جەتكىزىلگەن ەدى.

بۇعان دەيىن وزبەكستاننىڭ سانيتارلىق-ەپيدەميولوگيالىق سالاۋاتتىلىق جانە دەنساۋلىق ساقتاۋ قىزمەتى ەلدەگى وقۋ ورىندارىندا كارانتين ەنگىزىلگەنى تۋرالى اقپاراتتى جوققا شىعارعان بولاتىن.

Abai.kz