Қазақстан билігі елдің солтүстігі мен шығысындағы қалаларды газдандырудың екі нұсқасын қарастыруда. Соның бірі Ресейден келетін газ магистральдарының құрылысын қамтиды. Бұл туралы бейсенбі күні үкімет отырысында ҚР Энергетика министрі Мағзұм Мырзағалиев мәлім етті. 

"Бүгінде Петропавл, Көкшетау, Өскемен, Семей, Павлодар қалалары газбен қамтамасыз етілмеген. Бұл ретте бұл қалаларды газдандырудың мынадай нұсқалары бар: "Сарыарқа" магистральдық газ құбырын жалғастыру немесе Ресей Федерациясынан магистральдық газ құбырларын тарту", ​​- деді Мырзағалиев.

Оның айтуынша, жыл соңына дейін "Газпром" мен "Қазтрансгаз" солтүстік және шығыс аймақтарды газдандыру бойынша есеп-қисаптарды жүргізіп, қолайлы нұсқаны әзірлейді.

"Сарыарқа" газ магистральдық желісі жобасы аясында қазіргі таңда жергілікті атқарушы органдар газ тарату желілерін салуда. Құрылыстың аяқталуы Нұр-Сұлтан, Қарағанды, Теміртау, Жезқазған қалаларындағы бұрын көмірмен жылытылатын 70 мыңға жуық үйді газбен қамтамасыз етуге мүмкіндік береді", - деп түсіндірді министр.

Ол бүгінде елімізде газдандыру үлесі 54,3 пайызды құрайтынын атап өтті. 2025 жылға қарай бұл көрсеткішті 60 пайызға жеткізуді көздеп отыр.

Abai.kz