Президент Қасым-Жомарт Тоқаев Қазақстан жақын арада аудан әкімдерін тікелей сайлауға көшетінін айтты. Мемлекет басшысы 2021 жылы Қазақстанда алғаш рет ауыл әкімдерін тікелей сайлау енгізілгенін және бұл жергілікті жерлерде партияны белсендірек жұмыс істеуге итермелегенін еске салды.

"Бүгінге дейін республикада 900-ден астам ауылдық округтің басшылары сайланды. Олардың көбі – біздің партия мүшелері. Биыл жыл соңына дейін тағы 293 сайлау округінде сайлау өтеді. Ал жақын арада аудан әкімдерін тікелей сайлауға көшеміз. Мен бұл туралы хабарламамда айтамын. Облыс әкімдерінің сайлауын кейінге қалдыруға болмайды. Бұл процесті тездету керек деп ойлаймын", деді Тоқаев.

Қасым-Жомарт Тоқаев партия мүшелерін бәсеңдетпей, азаматтардың қолдауына ие лайық кандидаттарды ұсына отырып, сайлау науқанына белсене қатысуға шақырды.

Abai.kz