Қазақстанда баға шарықтап барады. Бейбіт елдегі баға өсімі соғыс болып жатқан елдерге жақындап қалыпты. 

ТМД елдері арасында, Trading Economics мәліметтері бойынша, ағымдағы жылдың тамыз айында азық-түлік бағасының ең көп жылдық өсімі Молдовада тіркелдіү Бұл елде баға бірден бір жыл ішінде 38,4%-ға өскен. Артынша Украина тұр, соғыс ошағында жатқан Украинада бір жылда баға  30,7%-ға өскен. Үшінші орынды Қазақстан иемденіпті, бізде баға 21%-ға өскен.

Әзербайжанда, Беларусьте және Қырғызстанда бағаның жылдық өсімі 18,9%, Ресейде - 15,8%, Арменияда - 12,5% болыпты. Тәжікстан, Өзбекстан және Түркіменстанға қатысты нақты ақпарат жоқтың қасы. Бұл үш ақпаратты жасырын ұстауға тырысатыны бар.

Аймақтық тұрғыда ай сайынғы динамика бойынша Маңғыстау (2,1%-ға), Жетісу (1,9%-ға) және Абай (1,5%-ға) облыстарының тұрғындары бағаның ең қатты шарықтауын көрсе, ең аз өсім астанада (0,4%) байқалған. Жылдық динамика бойынша азық-түлік тауарларының бағасы ең көп Маңғыстау (25,8%-ға), Ақтөбе (23,5%-ға) және Ақмола (22,7%-ға) облыстарында өскен.

Жеміс пен көкөністер бір жылда 14,8%-ға қымбаттады. Оның ішінде жемістердің өзіндік құны бір жылда 11,9%-ға, көкөністер 11,8%-ға өскен. Жылдық динамика бойынша сүт өнімдерінің бағасы 24,6%-ға өсті. Оның ішінде сүт – 24,6%-ға, сүт консервілері – 28,9%-ға, ашытылған сүт өнімдері – 26,4%-ға қымбаттады.

Abai.kz