قازاقستاندا باعا شارىقتاپ بارادى. بەيبىت ەلدەگى باعا ءوسىمى سوعىس بولىپ جاتقان ەلدەرگە جاقىنداپ قالىپتى. 

تمد ەلدەرى اراسىندا، Trading Economics مالىمەتتەرى بويىنشا، اعىمداعى جىلدىڭ تامىز ايىندا ازىق-تۇلىك باعاسىنىڭ ەڭ كوپ جىلدىق ءوسىمى مولدوۆادا تىركەلدىۇ بۇل ەلدە باعا بىردەن ءبىر جىل ىشىندە 38,4%-عا وسكەن. ارتىنشا ۋكراينا تۇر، سوعىس وشاعىندا جاتقان ۋكراينادا ءبىر جىلدا باعا  30,7%-عا وسكەن. ءۇشىنشى ورىندى قازاقستان يەمدەنىپتى، بىزدە باعا 21%-عا وسكەن.

ازەربايجاندا، بەلارۋستە جانە قىرعىزستاندا باعانىڭ جىلدىق ءوسىمى 18,9%، رەسەيدە - 15,8%، ارمەنيادا - 12,5% بولىپتى. تاجىكستان، وزبەكستان جانە تۇركىمەنستانعا قاتىستى ناقتى اقپارات جوقتىڭ قاسى. بۇل ءۇش اقپاراتتى جاسىرىن ۇستاۋعا تىرىساتىنى بار.

ايماقتىق تۇرعىدا اي سايىنعى ديناميكا بويىنشا ماڭعىستاۋ (2,1%-عا), جەتىسۋ (1,9%-عا) جانە اباي (1,5%-عا) وبلىستارىنىڭ تۇرعىندارى باعانىڭ ەڭ قاتتى شارىقتاۋىن كورسە، ەڭ از ءوسىم استانادا (0,4%) بايقالعان. جىلدىق ديناميكا بويىنشا ازىق-تۇلىك تاۋارلارىنىڭ باعاسى ەڭ كوپ ماڭعىستاۋ (25,8%-عا), اقتوبە (23,5%-عا) جانە اقمولا (22,7%-عا) وبلىستارىندا وسكەن.

جەمىس پەن كوكونىستەر ءبىر جىلدا 14,8%-عا قىمباتتادى. ونىڭ ىشىندە جەمىستەردىڭ وزىندىك قۇنى ءبىر جىلدا 11,9%-عا، كوكونىستەر 11,8%-عا وسكەن. جىلدىق ديناميكا بويىنشا ءسۇت ونىمدەرىنىڭ باعاسى 24,6%-عا ءوستى. ونىڭ ىشىندە ءسۇت – 24,6%-عا، ءسۇت كونسەرۆىلەرى – 28,9%-عا، اشىتىلعان ءسۇت ونىمدەرى – 26,4%-عا قىمباتتادى.

Abai.kz