Экс-президент Нұрсұлтан Назарбаевқа тиесілі жерлер мемлекет меншігіне қайтарылуы мүмкін. Бұл туралы Ауыл шаруашылығы министрі Ербол Қарашөкеев айтты.

Оның сөзінше, Қазақстанда пайдаланылмай жатқан жерлер адамның тегіне қарамастан мемлекетке қайтарылады.

«Кім болса да, тегі қандай болса да, оның бізге қатысы жоқ. Біз бүкіл жерді тексереміз, егер жерді тиімсіз пайдалану, жеке меншікке заңсыз өту фактілері болса, оны тексеріп, ел меншігіне қайтарамыз»,-деді министр.

Айта кетейік, 13 қаңтарда Парламент палаталарының бірлескен отырысында депутаттар «Қазақстан Республикасының Тұңғыш Президенті - Елбасы туралы» «ҚР Конституциялық заңының күші жойылды деп тану туралы» Конституциялық заңды қабылдады.

Abai.kz