ەكس-پرەزيدەنت نۇرسۇلتان نازارباەۆقا تيەسىلى جەرلەر مەملەكەت مەنشىگىنە قايتارىلۋى مۇمكىن. بۇل تۋرالى اۋىل شارۋاشىلىعى ءمينيسترى ەربول قاراشوكەەۆ ايتتى.

ونىڭ سوزىنشە، قازاقستاندا پايدالانىلماي جاتقان جەرلەر ادامنىڭ تەگىنە قاراماستان مەملەكەتكە قايتارىلادى.

«كىم بولسا دا، تەگى قانداي بولسا دا، ونىڭ بىزگە قاتىسى جوق. ءبىز بۇكىل جەردى تەكسەرەمىز، ەگەر جەردى ءتيىمسىز پايدالانۋ، جەكە مەنشىككە زاڭسىز ءوتۋ فاكتىلەرى بولسا، ونى تەكسەرىپ، ەل مەنشىگىنە قايتارامىز»،-دەدى مينيستر.

ايتا كەتەيىك، 13 قاڭتاردا پارلامەنت پالاتالارىنىڭ بىرلەسكەن وتىرىسىندا دەپۋتاتتار «قازاقستان رەسپۋبليكاسىنىڭ تۇڭعىش پرەزيدەنتى - ەلباسى تۋرالى» «قر كونستيتۋتسيالىق زاڭىنىڭ كۇشى جويىلدى دەپ تانۋ تۋرالى» كونستيتۋتسيالىق زاڭدى قابىلدادى.

Abai.kz