Осы және аптадағы орыс-украин соғысындағы әлемді дүрліктірген екі оқиға болды.

Оның біріншісі – дүйсенбі күнгі самғауыттардың (дрондардың) шабуылы нәтижесіндегі жарты аралдағы қару-жарақ қоймасындағы жарылыс, екіншісі – өткен аптаның сейсенбісі күнгі Қырымдағы қару-жарақ қоймаларына жасалған шабуылдар болды. Бұл жаһандық БАҚ назарын өзіне мықтап аударды.

CNN телекомпаниясына берген сұхбатындағы Украина қорғаныс министрі Алексей Резниковтің: «Қырым мен Қырым көпіріне одан ары соққы беруді үдете түсеміз», - деген дәйексөзі әлем жұртшылығының көп нәрсеге көзін ашып берді.

«Аталған барша нысандарды зақымдау – олардың бізге қарсы соғысу мүмкіндігін азайтып, Украинаның өмірін сақтап қалуға көмектеседі», - деді Резников.

Одан ары CNN тілшісінің: «Украина Қырым көпірін толық тас-талқан етуді мақсат тұта ма?» деген сұрағына:

«Бұл жауыңның логистикалық шебін бұзуға бағытталған қалыпты тактика ретінде, оқ-дәрі, жанар-жағармай, азық-түлік, басқаларын жеткізудің жолын түбегейлі кесу. Сондықтан біз осы тактиканы оларға қарсы қолданамыз», - деп жауап берді.

Енді бізге әліптің артын бағып, Украинаның өз жау қолындағы аймағын қалай аз шығынмен азат етуіне куә болу ғана қалды.

Abai.kz