Қарағанды облысында бопсалаумен айналысқан қылмыстып топ құрықталды. Жастар тобының құрамына аралас жекпе-жек жаттықтырушысы кірген. Олар жергілікті тұрғындарды, сондай-ақ «Qarmet» АҚ қызметкерлерін бопсалаған.

Жалпы Қарағанды облысында 6 қылмыстық топ мүшелері ұсталды. Олардың Теміртау, Саран, Абай қалаларында ауыр қылмыстарға, бопсалауға қатысы барлығы анықталды.

«Ішкі істер органдарына 100-ден астам күдікті жеткізілді, олардың 39-ы қамауға алынды. Қару-жарақ пен оқ-дәрілер тәркіленді. Ауыр қылмыстардың 16 эпизоды бойынша үш қылмыстық іс сотқа жіберілді», - деді ІІМ ұйымдасқан қылмысқа қарсы күрес департаменті өкілі Қуандық Алпыс.