Алматы облысының Полиция департаменті мәйіті табылған 30 жастағы ер адам өліміне қатысты тың деректермен бөлісті.

Алматы облысы ПД бастығының бірінші орынбасары Бағдат Әшімовтың айтуынша, марқұм Шерзат Полаттың ағасы өз-өзіне қол салар алдында туысына WhatsАpp желісі арқылы хабарлама жіберген.

Сурет: Азаттық радиосы телеграм арнасынан алынды.

- Тергеу барысында марқұм туыстарының біріне өзіне-өзі қол жұмсау туралы мессенджерде жіберген жазбасы анықталды. Хабарламада ол туысқандарымен қоштасып, жиенінің жанына жерлеуді сұрады, - дейді Бағдат Әшімов.

Еске салайық, бұған дейін Талғар маңында Шерзат Полаттың ағасы өлі табылғанын жазғанбыз. Аталған жағдай бойынша полиция қылмыстық іс қозғалды.

Abai.kz