СҚО-да Есілдің көтерілуіне байланысты тұрғындарды эвакуациялап жатыр. 

Солтүстік Қазақстан облысы Қызылжар ауданында Есіл өзенінің қатты көтерілуіне байланысты Тепличное ауылы тұрғындарын эвакуациялай бастады деп хабарлады жергілікті билік.

Эвакуация 25 сәуірде 15.00-де басталып, 18.00-ге дейін жалғаспақ. Халық Бескөл ауданындағы мектеп пен Петропавлдағы жатақханаға орналастырылады деп айтылады. Бұған дейін билік өкілдері елді мекендерге қауіп жоғын, жағдай бақылауда екенін айтқан еді.

Мамандардың түсіндіруінше, Қызылжар ауданында қазір "тасқынның үшінші толқыны" өтіп жатыр.

Abai.kz