Балқаш көлінің су деңгейі 12 см көбейді
2025 жылдың басынан бастап Қапшағай су қоймасынан Балқаш көліне 3,8 млрд текше метр су жіберілді. Бір жыл ішінде көл суының деңгейі 12 см-ге көбейді. Сонымен бірге су көлемі 2 млрд текше метрге артты.
Су ресурстары және ирригация министрі өткен жылдың қазан айынан бастап Қазақстанда вегетация аралық кезеңде және көктемгі су тасқыны кезінде еріген қар суын тиімді пайдалану бойынша іс-шаралар жүргізіліп жатқанын хабарлады. Осы уақыт ішінде су тапшылығы кезінде қажетті су көлемімен қамтылмаған көл жүйелері мен шабындық алқаптарына 15,7 млрд текше метр су жіберілді.
Abai.kz
