بالقاش كولىنىڭ سۋ دەڭگەيى 12 سم كوبەيدى
2025 جىلدىڭ باسىنان باستاپ قاپشاعاي سۋ قويماسىنان بالقاش كولىنە 3,8 ملرد تەكشە مەتر سۋ جىبەرىلدى. ءبىر جىل ىشىندە كول سۋىنىڭ دەڭگەيى 12 سم-گە كوبەيدى. سونىمەن بىرگە سۋ كولەمى 2 ملرد تەكشە مەترگە ارتتى.
سۋ رەسۋرستارى جانە يرريگاتسيا ءمينيسترى وتكەن جىلدىڭ قازان ايىنان باستاپ قازاقستاندا ۆەگەتاتسيا ارالىق كەزەڭدە جانە كوكتەمگى سۋ تاسقىنى كەزىندە ەرىگەن قار سۋىن ءتيىمدى پايدالانۋ بويىنشا ءىس-شارالار جۇرگىزىلىپ جاتقانىن حابارلادى. وسى ۋاقىت ىشىندە سۋ تاپشىلىعى كەزىندە قاجەتتى سۋ كولەمىمەن قامتىلماعان كول جۇيەلەرى مەن شابىندىق القاپتارىنا 15,7 ملرد تەكشە مەتر سۋ جىبەرىلدى.
Abai.kz
