Қырғызстан Жоғарғы Кеңесінің (Парламент) жұмысына жасанды интеллект енгізіліп жатыр.

Жоғарғы Кеңес баспасөз қызметінің хабарлауынша, парламенттік іс-шараларды жариялау үшін «Айым Кеңес Қызы» және «Мырза Мыйзам уулу» нейрондық желілік жүргізушілері іске қосылды. Олар депутаттардың жұмысы туралы жаңалықтарды ұсынады, күннің оқиғаларын қорытындылайды және апта оқиғаларымен көпшілікті хабардар етеді.

Жасанды интеллектпен жұмыс істейтін тележүргізушілерді енгізу бастамасы парламент жұмысын цифрландыру жоспарларының бір бөлігі.

-Айым Кеңес Қызы» және «Мырза Мыйзам уулу» инновацияның заң шығарушы органның жұмысын қалай өзгерте алатынын және азаматтармен байланысты қалай жақсарта алатынын көрсететін алғашқы жобалардың бірі, - делінген мәлімдемеде.

Бұған дейін Қырғызстанда 2027 жылдан бастап цифрлық сом енгізілетіні мәлім болған еді.

Abai.kz