قىرعىزستان جوعارعى كەڭەسىنىڭ (پارلامەنت) جۇمىسىنا جاساندى ينتەللەكت ەنگىزىلىپ جاتىر.

جوعارعى كەڭەس ءباسپاسوز قىزمەتىنىڭ حابارلاۋىنشا، پارلامەنتتىك ءىس-شارالاردى جاريالاۋ ءۇشىن «ايىم كەڭەس قىزى» جانە «مىرزا مىيزام ۋلۋ» نەيروندىق جەلىلىك جۇرگىزۋشىلەرى ىسكە قوسىلدى. ولار دەپۋتاتتاردىڭ جۇمىسى تۋرالى جاڭالىقتاردى ۇسىنادى، كۇننىڭ وقيعالارىن قورىتىندىلايدى جانە اپتا وقيعالارىمەن كوپشىلىكتى حاباردار ەتەدى.

جاساندى ينتەللەكتپەن جۇمىس ىستەيتىن تەلەجۇرگىزۋشىلەردى ەنگىزۋ باستاماسى پارلامەنت جۇمىسىن تسيفرلاندىرۋ جوسپارلارىنىڭ ءبىر بولىگى.

-ايىم كەڭەس قىزى» جانە «مىرزا مىيزام ۋلۋ» يننوۆاتسيانىڭ زاڭ شىعارۋشى ورگاننىڭ جۇمىسىن قالاي وزگەرتە الاتىنىن جانە ازاماتتارمەن بايلانىستى قالاي جاقسارتا الاتىنىن كورسەتەتىن العاشقى جوبالاردىڭ ءبىرى، - دەلىنگەن مالىمدەمەدە.

بۇعان دەيىن قىرعىزستاندا 2027 جىلدان باستاپ تسيفرلىق سوم ەنگىزىلەتىنى ءمالىم بولعان ەدى.

Abai.kz